Launch Se Pehle Hi Leak Hui, Qualcomm Snapdragon 8150 Ki Details, 4th December Ko Hoga Global Launch

Abhi kuch din pehle aayi news mein aapko humne Qualcomm ke naye processor Snapdragon 8150 ke baare mein bataya tha. Finally iss procesor ki launch date bhi saamne aa gayi hai aur 4 December ko ye launch wala hai. Lekin wahi aaj iss processor ke kuch details ko launch se pehle hi online platform par dekha gaya hai.

Yeh baat to pehle hi sabke saamne aa chuki hai ki yeh processor performance criteria mein Apple ke A12X Bionic processor ko bhi beat kar chuka hai. Aur Geek bench score mein top rank par bana hua hai. Definitely yeh processor aane wale flagship phones ke liye ek +point saabit hone wala hai.

Leak huyi details ki baat karein to, yeh processor 7nm FinFET fabrication technology par banaya gaya hai. Ice universe ne ek tweet ke dwara  bataya hai  ki yeh processor tri-cluster design kiya gaya hai, jaha tipster ki baat karein to 1 Kyro Gold Core 512KB  L2 cache ki maximum frequency 2.841Ghz hai, 3 Kyro Gold Cores 256KB L2 cache jiski maximum frequency 2.419 Ghz hai aur 4 Kyro silver cores 128KB L2 cache jinki maximum frequency 1.786Ghz hai, is chipset mein use kiya gaye hain.

 

Snapdragon 8150 mein aapko Adreno ka 640 GPU bhi milega jo ki pichle GPU 630 se 20% jyada behtar bataaya jaa raha hai, jo ki Snapdragon 845 ke saath aapko diya jaata hai.

Geek bench mark score ke liye humne aapko pehle bhi bataya tha, wahi iss processor ka Antutu mark score bhi sabse jyada saamne aaya hai jo ki 3,62,292 hai. Yeh Antutu score Apple ke A12 Bionic chipset aur Kirin 980 se bhi jyada hai. Expect kiya jaa raha hai ki yeh processor Artificial intelligence Processing unit (APU) ki performance ko bhi improve karega.

Snapdragon 8150 chipset ke saath aapko 5G network support bhi milne wala hai. Ab iske launch ki baat karein to, Snapdragon 8150 ka launchHawaii mein hone wali Snapdragon Technology Summit mein 4 December ko hone waala hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: