Qualcomm Ne Reveal Kiya Snapdragon 855 Chipset Ko, Jaaniye Kya Hai Khaas Iss Chipset Mein

Kaafi samay se charcha mein chal rahe Snapdragon 855 ko finally kal company ne US mein Hawaii mein huye ek summit event ke dauraan reveal kar diya hai. Company ke according yeh processor aane wale 5G smartphone mein use kiya jaaega. Snapdragon ki taraf se aane wala yeh abhi tak ka sabse powerful chipset maana jaa raha hai. Iss summit event mein technology aur 5G innovation main topic tha jahan company ne bataya ki wah India mein bhi jaldi hi 5G network ko bhadane ke liye taiyar hain.

 

Company ne bataya ki Snapdragon 855 Qualcomm ki taraf se aane wala latest fourth generation processor hai jo ki multi core based design kiya gaya hai. Aur jaldi hi Samsung ke aane wale 5G smartphones mein dekhne ko milega. Samsung ke alawa HMD Global (Nokia ), Asus, LG, Motorola, Google, OnePlus, Vivo, Oppo jaisi companies ke saath bhi tie-up ki baat company ne batayi. Jo ki mid of the next year mein apne phones ko 5G support ke saath launch karengi. Wahin iske AI performance ki baat karein to yeh processor apne last sabhi processor ke compare mein 3 times better perform karega.

 

Snapdragon 855 chipset ke features ki baat ki jaaye to yeh processor 7nm FinFET platform par design kiya gaya hai. Saath hi yeh processor sub-6 Ghz aur mmwave ko support karega. Company ki according yeh processor 60fps ki depth mapping ko process kar sakta hai. Snapdragon 855 ka image processor aapko 60fps ki rate se 4K HDR recording mein support karega jo ki last chipset ke mukaabale  25% jyada efficient hoga.

 

Itna hi nahi iss processor ki capability ko enhance karte huye company ne bataya hai ki yeh object aur face recognization mein bhi pehle se jyada behtar kaam karta hua nazar aaega. Yeh processor bhadiya cinematic photography ke liye bhi future saabit hone wala hai. Saath hi yeh 7nm processor 3D sonic sensor implanted hoga. Ane wale samay mein Qualcomm Snapdragon 855 Apple ke aane latest chipset se kis tarah behtar hoga, yeh dekhna interesting rahega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: