Qualcomm ne Entry Level Smartphones ke Liye Announce Ki 215 Mobile Platform Chipset

Qualcomm ne aaj entry level smartphones ke liye ek powerful chipset 215 mobile platform ko introduce kiya hai. Yeh chipset 2015 mein launch ki gayi 212 chipset ka successor model hai. Humein bhadiya performance ke liye premium aur costly smartphones mein invest karna padta tha, lekin iss chipset ki help se aap budget smartphones mein bhi bhadiya performance ko achieve kar sakenge. 212 chipset ke compare mein humein kaafi improvement dekhne ko milte hain.

 

 

Qualcomm 215 chipset mein ARM Cortex-A53 cores ko use kiya gaya hai, jiski help se A7 chipset ke compare mein aapko 50% jyada behtar performance milegi. Isi ke saath iss chipset ko 64-bit architecture par design kiya gaya hai, jahaan ismein aapko Qualcomm Adreno 308 GPU ka support mil jaata hai, jiski help se aapki gaming performance bhi 28% tak improve hogi. Yeh chispet Qualcomm Quick Charge 1.0 technology ko bhi support karegi. Iske alawa agar baat karein iske camera performance ki to ismein dual cameras ke liye dual ISPs ka support bhi aapko milega.

Iss chipset ko 64-bit architecture par design karne ka main reason, future mein aane wali upgraded applications hain. Bataya jaa raha ahi ki Google jaldi hi apne Play store se 32-bit architecture wali applications ko remove karne wala hai, jiske baad sabhi 64-bit architecture applications aapko Play store par dekhne ko milegi. Iss chipset mein Qualcomm Snapdragon X5 modem ko use kiya gaya hai jo LTE Cat 4 ko support karta hai. Iski help se aapka device 150Mbps tak ki download  speed ko achieve kar sakta hai.

 

 

Baat karein iss chipset ke camera support ki to ismein aapko 13MP ka single camera aur 8MP ka dual camera setup support milta hai. Iske alawa iss chispet based device se aap 1080 pixel resolution wali video ko record bhi kar sakte hain. Itna hi nahi yeh chipset 19:9 aspect ratio wali sabhi HD+ display ko bhi support karega. Iske alawa yeh chispet Wi-Fi 802.11ac, 802.11 b/g/n, Bluetooth 4.2 + BLE, NFC and Beidou, GPS, GLONASS jaise connectivity option ko bhi support karta hai.

Inn sabhi features ke saath yeh chipset kaafi powerful saabit ho sakta hai. Haalnki abhi Qualcomm apni 600 aur 700 chispet series mein jyada improvements kar raha hai. Kuch samay pehle Qualcomm ne market mein apni nayi chipsets Snapdragon 665, 730 aur 730G ko utaara tha, jo ki mid range smartphone aur premium smartphone mein dekhne ko mil rahi hain. Expect kiya jaa raha hai ki 215 chipset based device humein iss saal end tak dekhne ko mil sakti hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: