Asus ROG Phone II Ke Saath Entry Lega Qualcomm Ka Naya Chipset, Snapdragon 855 Plus

Qualcomm ne last year December mein Snapdragon 855 processor ko launch kiya tha. Iss chipset ko upgrade karte huye Snapdragon 855+ mobile platform ko announce kiya gaya hai. Yeh hum sabhi jaante hain ki Snapdragon 855 chispet ek powerful chipset hai, jise kaafi premium smartphone jaise Samsung Galaxy S10, Black Shark 2 aur OnePlus 7 Pro mein use kiya gaya hai. Lekin company ne Snapdragon 855+ ko kuch behtar upgrades ke saath launch kiya hai, jismein sabse important iski clock speed hain. Iss chipset ki maximum clock speed 2.96GHz hai. Wahin agar baat karein Snapdragon 855 chipset ki clock speed ki to wah 2.84GHz ki milti hai.

 

Iss chipset ko heat free gaming ko dhayan mein rakhte huye design kiya gaya hai. Iss chipset ka GPU aur CPU behtar AI performance, bethar connectivity aur behtar gaming experience ke saath aata hai.  Iss chipset mein aapko graphics ke liye Qualcomm 672MHz Adreno 640 GPU ka support milta hai. Yeh chipset 4 Kyro 485 CPU ke saath aata hai, jise ARM Cortex technology ke saath design kiya gaya hai. Chispet mein use kiya gaya GPU iss chispet ki performance ko 15% tak enhance kar deta hai.

Baat karein iske camera support ki to yeh chipset 48MP ka single sensor aur 22MP ka dual sensor support kar sakta hai. 5G Connectivity ke liye iss chispet mein dedicated modem nahi diya agya hai. Iske liye companies ko separately X50 modem ko use karna padega.

Jaisa ki humne aapko shuruaat mein hi bataya tha, ki iss chispet ko gaming performance ko enhance karne ke liye design kiya gaya hai, wahin iss chipset ki entry bhi gaming phone ke saath hi hone wali hai. Next week launch hone wale Asus (Republic of Gamers) ROG Phone II ko iss chipset ke saath launch kiya jaayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: