Qualcomm ne Announce ki 3 Nayi Chipsets, Snapdragon 665, 730 aur 730G Processors

Qualcomm ne mid range aur premium range smartphone ke liye kuch aur naye processors ko launch kiya hai. Launch kiye gaye processors ki list mein Snapdragon 665 , Snapdragon 730 aur Snapdragon 730G shaamil hai. Inn teenon processors ko improved features ke saath announce kiya gaya hai. Jismein power, AI feature aur improved gaming performance include hai.

Abhi tak launch kiye gaye smartphones mein se kisi bhi smartphone mein iss chipset ka use nahi kiya gaya hai. Lekin expect kiya jaa raha hai ki 2019 ke mid mein aane wale smartphones mein hum inn chipsets ko dekh sakenge.

 

Snapdragon 665 Processor 

Mobile platform par design kiye gaye Snapdragon 665 chipset mein Qualcomm ka third generation AI engine Hexagon 686 DSP use kiya gaya hai. Company ki according Snapdragon 660 ke compare mein Snapdragon 665 2X jyada behtar AI performance deliver karega. Yeh processor 11nm mobile platform par design kiya gaya hai. Yeh chipset Quick charge 4+ technology ko bhi support karega.

Company ne iss chipset mein fast aur smooth internet access ke liye Soc X12 LTE modem ka use kiya hai. Iss processor mein behtar camera compatibility di gayi hai jiske liye ismein 165 ISP diya gaya hai jo behtar scene recognition aur HDR jaise features ko automatically adjust kar sakta hai. Advance camera features mein triple rear camera support, 5X Optical Zoom support aur hybrid auto-focus jaise features add kiye gaye hain. Iske saath hi yeh processor gaming experience ko bhi upgrade karega jiska main reason hai ismein diya gaya Adreno 610 GPU, jo PUBG aur Asphalt 9 jaise games ko bhi support kar sakta hai.

 

Snapdragon 730 Processor 

Iss processor ko 8nm mobile platform par design kiya gaya hai. Iss processor ko launch karne ka main reason mid range phone mein premium handset jaisi performance dena hai. Yeh chipset Kyro 470 CPU aur Adreno 618 GPU ke saath aata hai. Behtar internet accessing ke liye company ne iss processor mein X15 modem ko use kiya hai. Snapdragon 730 installed device 800Mbps ki downloading speed aur Wi-Fi 6 ko support kar sakta hai. Audio quality improvement ke liye ismein Aptx aur Aqstic jaisi technology ka use kiya gaya hai.

Improved camera features ke liye iss mein Spectra 350 ISP milta hai jo 4K HDR videos ko bhi portrait mode mein record kar sakta hai. Iske saath hi triple rear camera setup, ultra wide angle photo aur telephoto lens ko bhi yeh support kar sakta hai.

 

 

Snapdragon 730G Processor 

Iss chipset ko premium handsets ke liye design kiya gaya hai. Yeh chipset Elite Gaming jaise features se less hai jismein aap HDR gaming bhi kar sakte hain. Iske alawa yeh 25% jyada efficiently graphics ko render kar sakta hai. Anti-cheating extensions gamer ko same level par play hone wali gaming field mein help karta hai.

Iss chipset based handset mein 960fps ki rate se HD quality mein super slow motion ko record kiya jaa sakta hai. Saath hi low power voice activation ka support bhi ismein milta hai. Jank reducer feature gaming ke time par 90% tak janks ko kam kar deta hai jis se 30fps ki quality par aap game ko play kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: