Qualcomm Ka Naya Octa Core Snapdragon 675 Processor Announce Hua: Ye Hain Iske Naye Features

Qualcomm ne aaj apne 4G5G Summit 2018 ke dauraan apna latest chipset announce kiya hai. Ye affordable segment mein 600 tier ka naya chipset hai – Snapdragon 675. OEMs (manufacturers) ke liye ye chipset aaj se hi available hai, halaanki Snapdragon 675 processor ke saath aane waale smartphones, 2019 ke first quarter se available ho sakte hain.

Snapdragon 675 mein pichle 600 series ke chipset ke mukaable performance 20% improve ki gayi hai, saath hi ismein kayi new features bhi add huye hain.

Ye ek Octa Core processor hai jismein two Kryo Cortex A76 cores ki clock speed 2.0 GHz hai, jabki six Cortex A55 cores ki clock speed 1.7 GHz hai. Saath hi ismein aapko Adreno 612 GPU milega. Ismein 11nm LPP process technology hai aur ye 8GB tak LPDDR4x RAM support kar sakta hai.

Snapdragon 675 processor mein AI Engine support bhi hai. Iski help se ab tak milne waali AI applications 50% tak aur bhi improve ho jayengi. Iska multi-core AI Engine mobile devices ko aur behtar banaayega, aur apki voice ko learn aur adapt karke photos, videos banaane mein bhi aapki help kar sakta hai. Iske alawa ye camera app mein bhi object / scenes detection, portrait relighting aur image style transfer karne mein capable hai. Iske zariye, is naye chipset ke saath aane waale phones mein aapko improved face unlock aur payment security milta hai.

Snapdragon 675 mein Qualcomm Spectra 250 series ISP di gayi hai, jo aapke camera ka performance badhaate hain. Ye front aur rear panel par triple camera configuration ko bhi support karta hai. Is naye chipset mein boekh effect feature ko aur bhi enhance kiya hai. Saath hi ismein 3D face unlock support bhi hai. Iske alawa ye dual SIM dual VoLTE support ke saath aata hai.

Is naye chipset ke saath aap 30 FPS par 4K Ultra HD videos, 120 FPS par full HD videos capture kar sakte hain. Ye naya chipset battery ko bhi improve karta hai aur Qualcomm Quick Charge 4+ fast charging support ke saath aata hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: