Quad Cameras Ke Saath Launch Hua Lenovo Z6 Pro, In-Display Finger Print Scanner Aur Liquid Cooling Technology Jaise Features Hain Iss Phone Mein

Lenovo ne Z -series ke ek aur smartphone Lenovo Z6 Pro ko aaj China mein launch kar diya gaya hai. Launch se pehle hi humein iss phone ki kaafi leaks dekhne ko mil rahi thi. Phone ki rumors mein iska quad camera highlight bana hua tha. Saath hi phone mein milne wala hardware bhi kaafi premium bataya jaa raha tha. Well, ab jab yeh phone launch ho chuka hai to aaiye aapko iske sabhi specs aur features ke baare mein batate hain.

Sabse pehle highlight mein bane huye iss phone ke camera ki baat kar lete hain. Lenovo Z6 Pro mein company ne quad cameras means 4 camera lens diye huye hain. Primary sensor 48MP ka diya gaya hai. Yeh camera AI hyper video record karne mein help karta hai. Iska aperture size f/1.8 hai. Phone mein secondary sensor 16MP ka diya gaya hai jo ki super ultra wide lens ke saath aata hai jiksa field of view 125 degree hai. Iske alawa 8MP ka tele photo lens aapko ismein milta hai jo f/2.4 aperture size ke saath aata hai. Last fourth camera lens jo ki 2MP ka diya gaya hai, yeh 8 axis OIS ke saath aata hai. Phone ke camera features par gour kiya jaaye to ismein aapko super night scene mode milta hai jo night aur low light photography mein help karta hai. Iske alawa super macro images up to 2.39, hyper video aur double view vlog jaise features mil jaate hain. Phone mein front facing camera 32MP ka diya gaya hai. Lenovo Z6 Pro mein dual tone LED flash milta hai jo ki laser autofocus support ke saath aata hai.

Phone mein 6.39 inch ki full HD+ AMOLED screen di gayi hai jo ki water drop notch ke saath aati hai. Screen ka aspect ratio 19.5:9 diya gaya hai. Phone mein 6th generation integrated in-display finger print scanner ka option diya gaya hai, jo ki aapke fingers ke wet hone par bhi perfectly kaam karta hai. Phone ki display mein full range DC dimming, HDR10+, blue light filter aur DCI P3 color gamut jaise features bhi dekhne ko milte hain.

 

Iss phone mein company ne Qualcomm Snapdragon 855 chipset ka use kiya hai. Iss phone mein ZUI 11 based Android 9 Pie OS milta hai. Phone mein 4000mAh ki battery di gayi hai jo ki 27W ki fast charging ko support karti hai. Charging ke liye ismein USB type-C port diya gaya hai. Phone ke temperature ko raise hone se bachane ke liye coldfront liquid cooling technology ka use kiya gaya hai.  Company ne Lenovo Z6 Pro ko 4 storage variants mein launch kiya hai. 128GB internal storage ke saath 6GB aur 8GB RAM ka option aapko milta hai. Iske alawa 8GB RAM ke saath 256GB storage aur 12GB RAM ke saath 512GB internal storage ka option aapko iss phone mein dekhne ko mil jaata hai.

 

Company ne yeh bhi announce kiya hai ki wah iss phone ke 5G variant ko bhi jaldi hi market mein launch karegi. Lenovo Z6 Pro ki sale China mein 29th April se shuru ho jaayegi. Iss phone ki sabhi variants ki launching price aap yahaan neeche dekh sakte hain.

 

  • 12GB/512GB  – CNY 4,999 (~Rs 51,000)
  • 8GB/256GB   – CNY 3,799 (~Rs 39,000)
  • 8GB/128GB   – CNY 2,999 (~ RS 31,000)
  • 6GB/128GB   – CNY 2,899 (~ Rs 30,000)

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: