Xiaomi Ka Aaj China Mein Launch Hua Naya Feature Phone Qin1s Vs Jio Phone / Jio Phone 2 Comparison

India mein JioPhone last year July mein launch hua tha, jise kaafi achha response mila. Kewal 1,500 INR ke security deposit par consumers ke liye available is feature phone mein company ne free calls, 4G data aur other Jio apps jaisi services dekar ise logon ke beech aur attractive bana diya. Dekha jaaye to, Jio Phone is samay India ka sabse behtareen feature phone hai. aur ab last month hi Reliance Jio ne iske successor Jio Phone 2 ki bhi announcement kar di hai.

Feature phone ki duniya mein Jio Phone aur Jio Phone 2, wahin affordable segment mein Xiaomi hi India mein sabse popular hai. Lekin aaj Xiaomi ne ek naya feature phone bhi launch kiya hai, jo ki China ke crowdfunding platform Youpin par launch kiya gaya hai aur is smartphone ke two versions hain jinmein 2G version ka naam hai Qin1 aur 4G variant ko Qin1s ka naam diya gaya hai.

Agar Xiaomi ka ye feature phone Indian market mein aata hai, to aaiye dekhte hain ki ye kis tarah se Jio Phone/ Jio Phone 2 ke saath compete karega.

Design and Build Quality

Jio Phone / Jio Phone 2 mein 2.4-inch ki QVGA display hai. Jabki is Xiaomi crowdfunded feature phone mein 2.8-inch ki QVGA display hai, lekin is par aapko Corning Gorilla Glass protection bhi milta hai. Xiaomi aur Jio Phone mein aapko T9 keypad milta hai, jabki Jio Phone 2 mein QWERTY keypad hai.

Xiaomi ke crowdfunded phone mein display ka screen size thoda sa bada hai, baaki screen resolution aur quality aapko same hi milegi.

Processor

Jio Phone 2 ka processor abhi unknown hai, lekin Jio Phone mein dual-core Qualcomm 205 CPU moujood hai. Doosri taraf Qin1s mein MediaTek MT6260A processor diya gaya hai.

Xiaomi Qin1s mein 8MB ki RAM aur 16MB ki storage hai, jabki Jio Phone mein 512MB RAM aur 4GB ki storage milti hai. Yaani ki storage mein to Jio Phone, Qin1s se kahin aage hai.

Battery

Xiaomi Qin1s mein 1480mAh ki battery hai jo aapko 15 days tak ka standby time aur 420 minutes ka talk time single charge mein deti hai. Wahin Reliance ke Jio Phone mein 2000mAh ki battery di gayi hai aur bhi aapko 15 days tak ka standby time aur 12 hours tak ka talk time single charge mein provide karti hai.

Camera

Jio Phone aur Jio Phone 2, dono mein 2 MP rear aur VGA front cameras hain, lekin Xiaomi ne is feature phone mein camera hi nahin hai.

Other features

Iske alawa Qin1s mein IR blaster diya gaya hai, jisse aap apne ghar ke electronic appliances jaise ki TV aur AC ko control kar sakte hain. Jabki kisi bhi Jio Phone mein ye feature included nahin hai.

Iske alawa Jio Phone mein single SIM slot hai aur Jio Phone 2 mein dual SIM slots hain, lekin aap in phones mein kewal Jio ki SIM hi laga sakte hain, jabki Qin1s mein aapko dual SIM slots milta hain, jismein aapko koi bhi SIM use kar sakte hain.

Iske alawa Qin1s mein company ne AI feature bhi diya hai jo aapko 17 languages support ke saath real time AI translation offer karti hai. Saath hi ismein USB Type-C port diya gaya hai. Jabki Jio Phone / Jio Phone 2 mein AI feature nahin hai aur port bhi microUSB 2.0 hai.

Price and Availability

Xiaomi Qin1s ka price 199 yuan (approx. 2000 INR) jabki Jio Phone ka effective price Rs. 0 hai. Jabki Jio Phone 2 ka introductory price 2,999 INR hai. Xiaomi Qin1s September 15 se sale ke liye available hoga, jabki Jio Phone already available hai. Wahin Jio Phone 2 ki availability abhi tak company ne announce nahin ki hai.

Verdict

Xiaomi ke Qin1s mein aapko IR blaster, AI enabled real time translation jaise features milta hain, lekin phir bhi India mein Jio Phone hi successful hai aur reason hai, uske saath milne waale tariff plans,offers aur saath mein milne waale unlimited free calls, per day high-speed 4G data, free messages, Jio Cinema aap, Jio Music, Jio TV, Jio news jaise apps ka subscription. Jabki Xiaomi Qin1s mein aapko aisa kuch nahin milta.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: