Punch hole Selfie Camera Ke Saath, India Mein January 29 ko Launch Hoga Honor View 20

Honor View 20 ke baare mein hum aapko pehle hi bata chuke hain. Ye smartphone last week Amazon par tease kiya gaya tha aur iske India launch ki date, company ne aaj disclose bhi kar di hai. Honor View 20 India mein January 29 ko lauch kiya jayega. Is smartphone ki highlight hai ismein aane wala punch hole selfir camera.

India mein aane wala ye pehla smartphone hoga jismein aap punch hole selfie camera aur 48 MP rear camera dekhenge. Iske alawa is Amazon exclusive device mein 6.44 inch ki full HD+ display, aur Kirin 980 processor moujood hoga. Ismein 6GB ki RAM ke saath 128GB storage aur 8GB RAM ke saath 128GB storage ke two models launch kiye jayenge. Halaanki aap microSD card slot ke through inhein expand kar sakte hain.

Honor View 20 mein 48 MP ka primary rear camera hai aur secondary ToF camera bhi moujood hain. Wahin front par aako 25 MP ka selfie shooter milta hai, jo ki display ke upper left corner mein placed hai. Ye handset EMUI 9.0 ke saath aayega, jo Android 9.0 Pie OS par based hai. Saath hi Honor View 20 mein aapko 4,000mAh ki battery, fast charging support ke saath di jaegi.

India mein launch hone se pehle, Honor View 20 ka global launch Paris mein January 22, 2019 ko hoga aur maana jaa raha hai ki is smartphone ka price 30,000 INR ke aaspaas hoga.

Well, specs to saamne aa hi chuke hain, ab pricing ke liye humein launch tak ka intezaar to karna hi hoga.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: