Punch-Hole Selfie Camera Ke Saath February Mein Launch Ho Sakta Hai Nokia 6.2, Specs & Image Leak Hui

Waise hum ye to dekh hi rahe hain, ki punch hole selfie camera ka trend 2019 ke shuru hote hi tezi se badh raha hai, aise mein jahaan Samsung, Honor jaisi companies is trend ko apna rahi hain, to phir Nokia bhi bhala kaise peeche rahe ? HMD Global ke upcoming smartphone Nokia 6.2 ko lekar rumors tezi se badh rahe hain. Maana jaa raha hai ki ye bhi puch hole selfie camera ke saath aane wala hai aur Nokia 6.1 ka successor hai.

Haal hi mein saamne aayi ek nayi report ke according Nokia 6.2 one month ke andar hi launch kiya jaa sakta hai aur ye ek budget Android One smartphone hoga. Ye news Twitter par moujood ek account Nokia Leaks ke through saamne aayi hai. Isi ke saath company apne mid-range smartphone Nokia 8.1 Plus par bhi kaam kar rahi hai, jiske leaked images hum aapko dikha chuke hain.

Maana jaa raha hai ki Nokia 6.2 February first week mein launch ho sakta hai. Ismein punch hole selfie camera ke saath 6.2 inch ki display moujood ho sakti hai aur ye Snapdragon 632 chipset ke saath aa sakta hai. Iske alawa leaks ke according ismein two storage options milne ki ummid hai, jo ki 4GB aur 6GB RAM ke saath aayenge.

Nokia 6.2 mein dual 16 MP rear cameras ki baat saamne aa rahi hai, jo ki Zeiss optics ke saath aayenge. Iske alawa se bhi bataaya jaa raha hai ki ye phone sabse pehle China mein available hoga.

Well, is smartphone ko lekar baaki koi aur khabar abhi saamne nahin aayi hai, lekin agar ye rumors sahi hain, to Nokia 6.2 company ka 2019 mein aane wala first smartphone hoga.

Iske alawa pricing ko lekar abhi kuch bhi kehna mushkil hai, lekin ye hoga ek budget phone.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: