Punch Hole Display Wala Motorola One Vision Smartphone Jaldi Hi Hoga India Mein Launch

May ke second week mein Motorola ne apne flagship smartphone Motorola One Vision ko announce kiya tha. Yeh phone Motorola ki taraf se aane wala pehle phone hai jismein punch hole display di gayi hai. Kuch samay se Motorola ne Indian market mein apne market share ko grow kiya hai. Issi ke chalte  company jaldi hi apne iss flagship smartphone ko bhi India mein launch karne karne wali hai. 91mobiles.com ke through yeh information saamne aayi hain ki company Motorola One Vision smartphone ko next month India mein launch kar sakti hai. Abhi iss phone ko Saudi Arabia, Thailand,Brazil aur Mexico countries mein announce kiya jaa chuka hai.

Motorola One Vision ko haal hi mein BIS (Bureau Of Indian Standard) ki website par dekha gaya hai. Saudi Arabia aur Thailand mein iss phone ki launching price €299 (~Rs 23,000) rakhi gayi thi. Lekin sources ki maane to yeh phone India mein Rs 25,000 ke price tag ke around launch kiya jaa sakta hai. Brazil mein iss phone ko BRL 1,999 (~Rs 34,400) ki price par launch kiya gaya tha.

 

Motorola One Vision smartphone Android 9 Pie ke stock version ke saath aata hai. Iss phone mein 6.3 inch ki full HD+ cinema vision display milti hai, jiska screen aspect ratio 21:9 hai. Iss phone mein Samsung designed octa-core Exynos 9609 processor milta hai. Phone mein 48MP+5MP ka rear dual camera diya gaya hai jo ki Auto HDR, Active Display Mode jaise features ke saath aata hai. Issi ke saath front facing camera 25MP ka diya gaya hai. Motorola One Vision mein 3500mAh battery ke saath aata hai jismein Turbo Power charging ka support aapko milta hai. Iss phone ki official launch date ko abhi company ne announce nahi kiya hai lekin 12th june 2019 ko iss phone ka launch expect kiya jaa raha hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: