Pricing Details Of Samsung Galaxy S10, S10+, S10e And Galaxy Fold

Samsung ne Unpacked event mein kal jo smartphones hamaare saamne aaye wo waakyi best technology hai. Strong build quality, latest flagship 7nm chipset, Infinity-O display, HDR 10+ support. Kaafi leaks aane ke baad bhi, launch ke samay jo in smartphones ke baare mein bataaya gaya, wo bahut interesting features hain. Saath hi company ne Galaxy S10+ 5G version bhi launch ki, jo ki ek surprise hi tha, ismein aapko one more camera, S10+ se bhi badi display aur bigger battery di gayi hai.

Lekin, lekin lekin, guys ! Ye phones jitne premium hain, utni hi high inki cost bhi hai. Galaxy S10 series ke sabhi smartphones ke various variants ki pricing details saamne aa chuki hai. Aaiye aapko one by one bataate hain ki aakhir Galaxy S10, S10+ aur Galaxy S10e ki prices kya hain. Saath hi Galaxy Fold ko bhi company ne kitne high price ke saath launch kiya hai.

Samsung Galaxy S10

  • 8GB RAM with 128GB storage – $899.99 (approx. 64,000 INR)
  • 8GB RAM with 512GB ROM – $1149.99 (approx. 82,000 INR)

Samsung Galaxy S10+

  • 8GB RAM with 128GB storage – $999.99 (approx. 71,000 INR)
  • 8GB RAM with 512GB ROM – $1249.99 (approx. 89,000 INR)
  • 12GB RAM with 1TB inbuilt storage – $1599.99 (approx. 1,14,000 INR)

Samsung Galaxy S10e

  • 6GB RAM with 128GB storage – $749.99 (approx. 53,000 INR)
  • 8GB RAM with 256GB memory – $849.99 (approx. 60,500 INR)

Samsung Galaxy Fold

  • 12GB RAM with 512GB UFS storage – $1980 (approx. 1,41,000 INR)

Note: Samsing Galaxy S10+ 5G variant ki cost abhi company ne announce nahin ki hai, saath hi ye phone abhi available bhi nahin hai. Ye smartphone mid of the year mein kuch limited time ke liye hi U.S. mein available hoga.

Iske alawa Galaxy Fold bhi second quarter mein hi available hoga. Jo price hum aapko bata chuke hain, wo 5G version ki hai, lekin Galaxy Fold ka 4G version bhi launch kiya gaya hai, jabki uski pricing details unknown hai.

Wahin Galaxy S10, S10+ aur S10e ke pre-orders, India mein aaj se hi shuru ho rahe hain. Ye phones Flipkart exclusive honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: