Pop-Up Selfie Camera Aur In-Display Finger Print Scanner Ke Saath Launch Hua Oppo K3

Oppo ne aaj China mein K series ka ek aur smartphone Oppo K3 ko announce kar diya hai. Phone ki highlight mein iska pop-up selfie camera hai jo ki 16MP ka diya gaya hai. Iske alawa iss phone mein aapko in-display finger print scanner bhi diya gaya hai. Inn sabhi features ke saath yeh phone apni price category mein kaafi bhadiya specs ke saath aata hai. Company jaldi hi India mein shark fin wale Oppo Reno smartphone ko bhi launch karne wali hai.

Oppo K3 mein 6.5 inch ki full HD+ AMOLED display di gayi hai jiska screen aspect ratio 19.5:9 diya hai. Phone ki screen par kaafi kam bezels dekhne ko milti hain, saath hi ismein kisi bhi tarah ki notch nahi di gayi hai. Iss phone mein company ne Qualcomm Snapdragon 710 processor ko use kiya hai,  jise 10nm mobile platform par design kiya gaya hai. Issi ke saath aapko iss phone mein Adreno 616 GPU bhi diya gaya hai. Oppo K3 mein Color OS 6.0 based Android 9 Pie operating system milta hai.

Phone ke rear panel par 16MP  ka primary camera aur 2MP ka secondary camera diya gaya hai. Phone mein next generation in-display finger print scanner milta hai jo aapke phone ko 28.5% jyada fast unlock kar sakta hai. Iss phone mein aapko Nebula Purple, Green aur White color option dekhne ko milenge. Iss phone ko company ne 3 storage option ke saath launch kiya hai. Oppo K3 mein aapko 3765mAh ki typical battery milti hai jo VOOC 3.0 fast charging ko support karti hai. Issi ke saath aapko iss phone mein dual 4G VoLTE, dual band Wi-Fi, Bluetooth 5, GPS, GLONASS jaise connectivity option mil jaate hain. Iss phone ki sale China mein 1st June se shuru ho jaayegi wahin iska 8GB/256GB variant mid of June se milna shuru hoga.

 

Iss phone ke teenon variants ki price aap neeche dekh sakte hain.

  • 6GB/64GB        –     CNY 1599 (~Rs 16,100)
  • 8GB/128GB      –     CNY 1899 (~Rs 19,130)
  • 8GB/256GB     –     CNY 2299 (~ Rs 23,150)

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: