Pop-up Camera Ke Saath Affordable Price Par Launch Hua Huawei Y9 Prime

Huawei ne aaj apne aur ek mid-range smartphone Huawei Y9 Prime ko India mein launch kar diya hai. Iss phone ke India launch ke teaser ko Amazon par last month se show kiya jaa raha tha. Huawei Y9 Prime, issi saal January mein launch kiye gaye, Huawei Y9 ka successor hai. Yeh phone pop-up mechanism wale selfie camera ke saath aata hai. Iss phone mein aapko Emerald Green aur Sapphire Blue color option diye gaye hain.

Huawei Y9 Prime mein 6.59 inch ki full HD+ TFT display di gayi hai, jo ki 2.5D curved glass ke saath aati hai. Phone ki screen 19:5:9 aspect ratio ke saath di gayi hai. Phone mein Octa-Core Hisilion Kirin 710 chipset use kiya gaya hai, jo ki ARM Mali-G51 MP4 GPU ke saath aata hai. Iss phone mein 3900mAh ki battery aapko milti hai. Yeh phone EMUI 9.0 based Android 9 Pie operating system ke saath aata hai.

Iss phone mein AI triple rear camera setup aapko milta hai. Primary camera 16MP ka, secondary camera 8MP ultra wide angle lens ke saath aur third camera 2MP depth sensor ke saath aata hai. Phone mein front facing pop-up camera 16MP  ka diya gaya hai. Phone ke rear panel par aapko finger print scanner ka option mil jaata hai.

Yeh phone dual 4G VoLTE, dual band Wi-Fi, Bluetooth 5 aur GPS+GLONASS jaise connectivity option ke support karta hai. Iss phone ko company ne 4GB RAM aur 128GB internal storage ke saath launch kiya hai, jiski price Rs 15,990 rakhi gayi hai. Iss phone ki sale 7th August se Amazon.in par shuru ki jaayegi.

Launch Offers 

Launch offers ke dauraan aapko iss phone par kuch bhadiya offers company provide kar rahi hai. Jio users ko iss phone ki purchase par 2TB data aur Rs 2200 tak cashback diya jaa raha hai, wahin agar aap SBI card ke through iss phone ko khareedte hain to aapko 10% instant discount milega. Amazon Pay ke through payment karne par aapko Rs 500 ka off milega. Iske alawa iss phone par Rs 1500 ka exchange offer bhi diya jaa raha hai. Inn sabhi offers ke alawa aapko 6 months EMI option bhi iss phone par mil raha hai.

Upar diye gaye online offers ke alawa agar aap iss phone ko offline pre-book karte hain to aapko Huawei Sports BT Headphones aur 15600mAh ka power bank free diya jaayega. Inn dono products ki keemat Rs 4,598 hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: