Xiaomi’s New Brand POCOPHONE F1 Launching In India On August 22

Xiaomi ke kisi bhi naye smartphone ka intezaar India mein kaafi besabri se hota hai. Lekin is baar excitement doguni ho chuki hai kyunki Xiaomi, India mein apni nayi brand POCOPHONE launch karne jaa raha hai aur  aaj company ne ye announce bhi kar diya hai ki POCOPHONE F1, yaani ki is brand ke first smartphone ka India launch event, company August 22 ko host karne jaa rahi hai.

POCOPHONE ke official twitter account par ek post ke zariye company ne launch date confirm ki hai. POCOPHONE F1 next week Wednesday ko New Delhi mein launch kiya jayega, lekin time ki announcement abhi baaki hai. Company is smartphone ko “performance like never before” tag line ke saath tease kar rahi hai, jiska seedha matlab hai, great speed and performance. Aur ye bhi kaha jaa raha hai ki POCOPHONE F1, Snapdragon 845 ke saath aane waala cheapest smartphone ho sakta hai.

Pichle week hi Xiaomi India ke Product Manager Jai Mani ne is brand ki India mein announcement ki thi aur is brand ko abhi lead bhi karenge. Ye company ka upcoming flagship smartphone hai jismein Snapdragon 845 processor aayega. Saath hi ismein 4000mAh ki battery aur liquid cooling jaise features bhi moujood honge.

Iske alawa POCOPHONE F1 mein 5.99 inch ki FHD+ display hogi jismein top notch bhi moujood hai. Saath hi 6GB ki RAM aur 64GB ki internal memory expect ki jaa rahi hai, jise aap microSD card dwara expand bhi kar sakte hai, lekin kitna, ye launch ke samay hi pata chal sakega. Ismein 20 MO front facing shooter milne ki ummid hai jismein aapko IR face unlock feature bhi diya jayega. Ismein 12+ 5 MP ka dual rear camera setup aa sakta hai aur battery bhi Qualcomm Quick Charge 3.0 support ke saath aayegi.

Iske alawa ismein Bluetooth 5.0, dual SIM support USB Type-c port jaise features bhi honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: