POCOPHONE POCO F1 Launched In India: Specs, Price, Storage Options And Availability

Finally, Xiaomi ki nayi brand POCOPHONE ka first smartphone – POCO F1 India mein launch ho gaya hai. Well, Snapdragon 845 chipset ke saath ye is brand ka flagship smartphone bhi hai aur world ka cheapest flagship handset bhi, jo Flipkart exclusive hoga. Is smartphone ke zariye company expensive flagship smartphones ke trend ko todna chahti hai. Yaani ye handset flagship hai, lekin jyada costly nahin.

  • Pocophone F1 ka 6GB RAM + 64GB ROM version 20,999 INR mein available hoga.
  • Iska 6GB RAM + 128GB storage version 23,999 INR ke price mein available hoga.
  • 8GB RAM + 256GB ROM version ki kimat 28,999 INR hogi.
  • POCO F1 ka premium Armoured version 29,999 INR mein available hoga.

Saath hi company ne ye bhi announce kiya hai ki jo customers first flash sale mein in variants ko purchase karenge unke liye in sabhi versions ki kimat  1,000 INR aur kam hogi.

 

Company ne iske jo key features highlight kiye hain unmein Snapdragon 845 chipset, Liquidcool technology, Qualcomm Quick Charge 3.0 technology, 4G+ for India aur 256GB internal storage shaamil hai.

Is smartphone ke design ki baat karein to, ye smartphone polycarbonate body ke saath aayega, jismein front par aapko notch bhi milti hai, saath hi settings mein jaakar aapko notch off karne ka option bhi diya gaya hai.

POCO F1 ko three color options mein launch kiya gaya hai – Graphite Black, Steel Blue aur Rosso Red. Saath hi POCO F1 ka ek premium version bhi aayega jo armoured version hoga aur ye Kevlar aramid fibre se bana hoga.

POCO F1 mein 6.81 inch ki full HD+ display hai aur power dene ke liye Octa Core processor moujood hai, saath hi Adreno 630 GPU diya gaya hai. Ismein aapko 8GB ki RAM aur 256GB ki internal memory di gayi hai, jise aap microSD card slot ko use karke additional 256GB tak expand kar sakte hain.

Is handset mein 12 MP ka primary rear camera hai jo dual LED flash light, dual pixel auto focus, Sony IMX363 sensor ke saath aayega aur iska 5 MP secondary rear shooter Samsung sensor ke saath diya gaya hai. Ismein real-time AI bhi diya gaya hai jo 256 scenes ko detect kar sakta hai.

Poco F1 mein 20 MP ka frontal sensor moujood hai jo Mi 8 jaisa hi hai aur ismein bhi aapko AI beautify feature milta hai. Saath hi ismein pixel binning bhi diya gaya hai jo low-light photography ko improve karta hai. Saath hi ismein IR face unlock bhi hai jo 0.4 seconds mein aapke smartphone ko unlock karta hai.

Iske alawa ye handset MIUI par chalta hai jo especially Poco F1 ke liye design kiya gaya hai, saath hi iske liye Poco launcher bhi hai jise aap Google Play Store se download kar sakte hain. Company ki maanein to is software ke hone se ye smartphone aapko fast performance deta hai. Launch ke dauraan company ne ise OnePlus 6 se compete kiya aur kaafi fast bataaya hai.

Saath hi, October tak is smartphone par Android P update bhi aapko mil jayega.

POCO F1 mein  4000mAh ki battery hai jo Quick Charge 3.0 support ke saath di gayi hai aur aapko 8 hours tak ki gaming aur 15 days tak ka standby time single charge mein offer karti hai.

Poco F1 ke saath iske protective case bhi launch huye hain-

  • Matte finish ke saath ultra slim case ka price 399 INR hai.
  • Kevlar finish ke saath Armored case ko aap 799 INR mein kharid sakte hain.
  • Poco skin jo ki three color options mein available honge, inka cost kewal 299 INR hai.

Is handset ko Flipkart aur Mi.com se 29th August dopahar 12PM se purchase kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: