POCOPHONE F1 8GB RAM Variant Spotted On GeekBench

Xiaomi ek naya brand POCOPHONE launch karne jaa raha hai, jiska first smartphone POCOPHONE F1 sabse pehle India mein 22nd August ko launch hone wala hai. Aur aaj ki khabar ye hai ki is smartphone ko 8GB RAM version ke saath GeekBench par dekha gaya.

Halaanki iske Geekbench scores kuch aise hain – single core score hai 2451 aur multi core score result hai 8998. Ye score lagbhag un sabhi smartphones ke barabar hi hai jo haal hi mein India mein Snapdragon 845 chipset ke saath launch huye hain. Lekin achhi khabar ye hai ki POCOPHONE F1 ko 6GB RAM aur 8GB RAM, two versions mein launch kiya jayega.

Iske alawa iske specs ko lekar jo khabarein hain, unke according ye 5.99 inch ki full HD+ display ke saath aayega aur ismein top-notch bhi moujood hogi. Halaanki Snapdragon 845 processor aur 6GB / 8GB RAM jaise features confirm ho chuke hain.

Iske alawa POCOPHONE F1 mein 12 + 5 MP ka dual rear camera setup aur 20 MP front camera expect kiya jaa raha hai. Ismein 4000mAh ki battery aane ki ummid hai jismein Qualcomm Quick Charge 3.0 support aayega.

Saath hi ye bhi expected hai ki ismein Android 8.1 Oreo OS par MIUI 10 ki skin hogi aur ye dual 4G VoLTE support ke saath aane wala hai. Iski kimaton ko lekar abhi koi charcha nahin hai, lekin kaha jaa raha hai ki Octa Core Qualcomm Snapdragon 845 processor ke saath aane wala ye cheapest smartphone ho sakta hai.

Iski detailed information ke liye ab kewal 2 hi din ka intezaar baaki hai. 22nd August ko hone waale launch event mein iski detailed specs aur prices bhi announce ho jayenge.

Facebook Comments

Recommended For You

About the Author: Pooja Choudhary

2 Comments

Leave a Reply

Your email address will not be published.

%d bloggers like this: