POCO X2 Aaya Geekbench Par Nazar, Ye Hain Specs & Score

Last year end mein POCO ke Global Head ne brand ka naam tease karte huye ye to clear kar hi diya tha ki POCO ne abhi bas nahi kiya hai aur brand jaldi hi ek naye smartphone ke saath haazir hoga. Iske baad phir POCO ke kisi phone ki charcha nahin hui, lekin aaj POCO ka ek phone POCO X2 naam se benchmarking site Geekbench par spot kiya gaya.

Is upcoming POCO X2 ko Geekbench par 8GB RAM aur Android 10 software ke saath spot kiya gaya hai. Saath hi iske scores ki baat karein to, iska single-core test score hai 547 points aur multi-core test score hai 1,767 points.

Is phone ke scores Redmi K30 se similar hain aur rumors ye bhi keh rahe hain ki POCO ka agla phone Redmi K30 ka hi rebranded version bhi ho sakta hai. Redmi K30 5G ko bhi haal hi mein India ke BIS certification site par bhi dekha gaya hai.

Well, ab POCO kuch alag lekar aata hai ya phir ye Redmi K30 ka hi Indian version hoga, ye jaanne ke liye abhi kuch samay ka intezaar to karna hi hoga. 

Aapko bata dein ki Redmi K30 ki price approx. 16,000 INR hai aur ummid hai ki India mein bhi ise 17-18K ke starting price par announce kiya jaa sakta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: