Poco M3 Pro India mein 8th June ko hoga launch

POCO ne aaj confirm kar diya hai ki wo India mein apna first 5G smartphone jaldi hi launch karne waali hai aur ye phone Poco M3 Pro hoga. Poco M3 Pro India mein 8th June ko launch kiya jayega aur Poco India ke Country Director Mr. Anuj Sharma ne khud ise confirm bhi kiya hai. Iske alawa inhone kuch din pehle ye bhi bataaya tha ki company Poco F3 GT ko India mein 3rd quarter mein launch karegi. Well, filhaal is smartphone ki baat karte hain jo India mein next week launch hone waala hai.

Poco M3 Pro ko globally pehle hi launch kiya ja chuka hai aur India mein bhi ise May mein hi launch kiya jaana tha but Covid-19 ke increase hote cases ki wajah se ise delay kiya gaya. Anuj Sharma ke according ye smartphone already social media par apne design ki wajah se popular hai. Iska design aap neeche ki image mein dekh sakte hain.

Is smartphone ka 4GB+64GB variant lagbhag 14,000 INR aur 6GB+128GB model lagbhag 16,000 INR ke pricetag ke saath European market mein release kiya gaya hai. Expected hai ki India price bhi isi ke aas-paas hogi.

Poco M3 Pro mein 6.5 inch full HD+ punch-hole display hai aur ismein Octa Core MediaTek Dimensity 700 chipset hogi. Ismein bhi aap content ke according refresh rate options mein shuffle kar sakte hain. Inmein 90Hz, 60Hz, 50Hz, aur 30Hz refresh rates ke options hain.

Phone mein 48 megapixel primary camera ke saath 2 megapixel ka macro lens aur 2 megapixel depth sensor shaamil hoga. Front par 8 megapixel ka selfie camera fitted hoga. Ismein side mein fingerprint sensor diya gaya hai aur 5000mAh ki battery 18W fast charging support ke saath aayegi.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: