POCO India Ne Confirm Kiya Next Phone Ka Launch

POCOPHONE ke fans ke liye is baar company ne khud acchi khabar sunaayi hai. Poco ke hazaaron rumors aur leaks aane ke baad POCO India ne khud apne twitter handle par ye announce kiya hai ki apna naya product wo next month India mein launch karne waale hain.

Poco India ne Twitter handle par apne upcoming phone ka first teaser share kiya hai, jismein ek image share ki gayi hai aur usmein likha hai ki “We will launch our new phone next month.”

Poco India ne last week ye bhi confirm kiya tha ki ab wo Xiaomi India se alag ek independent brand hai. Iske alawa is week mein POCO season 2 Episode 1 karke ek video teaser bhi saamne aaya tha, jismein tag line di gayi thi, YKWIM “If You Know What I Mean”.

Well company ne officially confirm kar hi diya hai ki Poco ka next phone aane waala hai. Lekin iske specs aur naam confirm nahin hai. Wahin Poco ke ek phone ko Poco X2 naam ke saath Geekbench par dekha gaya jahaan iske specs Redmi K30 se similar hain aur expected ye bhi hai ki China mein announce huye Redmi K30 ko slightly different specs ke saath India mein Poco ke upcoming phone ke taur par launch kiya jaaye.

Ab Geekbench par bhi phone nazar aaya, company ne confirm bhi kar diya hai to jaldi hi leaks bhi aayenge hi aayenge and don’t worry, hum aapke saath share bhi karenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: