Poco F3 GT MediaTek Dimensity 1200 chipset ke saath Q3 mein India mein hoga launch

POCO ne aaj India mein ek flagship smartphone ko launch karne ki announcement ki hai. Ye smartphone POCO F3 GT hai aur ye MediaTek Dimensity 1200 chipset ke saath aayega. Ye new F-series gamers ke liye dedicated hogi aur ismein gaming smartphone ko dhyaan mein rakhte huye features aapko milne waale hain. Company ke according, Ye 2021 year ke third quarter mein India mein launch kiya jayega.

POCO F1 ke baad ye doosra smartphone hai jo F-series mein aayega. Is smartphone ke launch ki khabar khud POCO India Country Director, Anuj Sharma ne Tweet ke through di hai.

Saamne aaye naye teaser mein Poco F3 GT ke India mein launch hone ki news hai aur likha hai ‘Q3 coming soon’. Is teaser mein MediaTek Dimensity 1200 chipset ka naam bhi shaamil hai.

Poco F3 GT

Iske specs ki baat karein to, rumors ke according Poco F3 GT mein 6.67 inch ki full HD+ AMOLED display aa sakti hai jis par aapko Corning Gorilla Glass 5 protection milegi. Phone mein 6GB / 8GB RAM options hone ke bhi rumors hain. Iske alawa ismein front par 16 megapixel ka selfie camera aa sakta hai aur rear panel par 64 megapixel ke primary camera ke saath 8 megapixel ka ultra wide angle lens aur ek 2 megapixel macro sensor hoga.

Features ko lekar filhaal abhi itni hi information saamne aayi hai aur pricing ki baat karein to, expect kiya jaa raha hai ki ye China mein launch huye Redmi K40 Game Enhanced Edition ka Indian version ho sakta hai. China mein ye phone 1999 yuan (approx. 23,000 INR) ke starting price ke saath launch hua hai. Ab India mein iski price kya hogi, ye to aane waale time mein hi pata chal sakega. Waise charcha hai ki India mein iske variants 25,000 INR se 30,000 INR ke beech launch ho sakte hain.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: