GeekBench Benchmarking Site Par Nazar Aaya Poco F2, Kuch Specs Leak Huye

Xiaomi ke sub-brand Poco ke pehle phone Poco F1 ke baad Xiaomi fans ko Poco F2 ka intezaar hai. Saath hi haal hi mein humne Geekbench par Poco F1 Lite ko bhi dekha aur aaj Poco F2 ki Geek Bench Report saamne aayi hai. Iss report mein phone ke kuch specs ko show kiya gaya hai. Saath hi iska single core aur multi core score bhi dekha jaa sakta hai.

 

 

Geek Bench list ke according iss phone mein Snapdragon 855 chipset aur 4GB RAM aapko mil sakti hai. Iss chipset ki base frequency 1.50 GHz hogi. Saath hi yeh phone Android Q support ke saath launch kiya jaa sakta hai. Iss phone ki single core test value 1776 aur multi core test value 6097 batayi gayi hai. Tipster Ben Geskin ke through saamne aayi ek report mein unhone bataya ki yeh phone water drop notch ke saath aa sakta hai. Iske saath hi ismein aapko vertical rear camera bhi dekhne ko milega, jo ki corner mein placed hoga.

Poco F1 ko Indian audience ne kaafi pasand kiya tha jahaan iska comparison kaafi high end phones se kiya gaya tha. Same expectation audience ko Poco F2 se bhi hai. Well, agar yeh phone Snapdragon 855 chipset aur Android Q k saath aata hai to hum expect kar sakte hai  ki Poco F2 bhi Poco F1 ki tarah market mein jaldi hi apne kadam jama lega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: