Poco F1 Vs ASUS Zenfone 5Z: Which One You Choose As A Powerful Performer

Aaj ke samay mein smartphones sabhi ki daily needs mein se ek hai aur jaise jaise log smartphones ko samjhne lage hain, powerful processor wala smartphone logon ki pehli pasand ban chuka hai. Is smaay flagship chipset Snapdragon 845 ke saath aane waale smartphones ki performance best hai, lekin inki cost bhi 30,000 + hi rahi hai.

Aaj ke samay mein ek smartphone jo fast aur best performance deta hai, sabhi ko chahiye. Aise mein pichle week hi Xiaomi ki nayi brand POCOPHONE ne Poco F1 launch kiya, jo ki 20K ki range mein aapko ek flagship smartphone offer karta hai. Well, that’s amazing. Wahin affordable price mein flagship ka experience dene waala ye smartphone last month launch huye ASUS Zenfone 5Z ka strong competitor bhi ban chuka hai.

Poco F1 ke 8GB+256GB version aur Zenfone 5Z ke 6GB+64GB version ka cost lagbhag same hai. Lekin waakyi mein behtar kaun sa hai, aaiye dekhte hain.

Design and Built Quality

Poco F1 mein jahaan speed aur performance ko kaafi importance di gayi hai, wahin design ki taraf kuch khaas dhyaan nahin diya gaya. Poco F1 completely plastic se bana hai aur aapko premium feel nahin deta. Halaanki Xiaomi ka kehna hai ki plastic use isliye kiya gaya hai, taaki handset lightweight aur budget ke andar rahe.

Wahin Zenfone 5Z mein front par bhi 2.5D curved glass Super IPS display hai aur back par bhi 2.5D glass ka istemaal kiya gaya hai. Wahin edges par bhi aerospace-grade aluminium ka use kiya gaya hai. Zenfone 5Z ko haath mein pakadte hi aapko ek premium aur elegant smartphone ka feel aata hai. Jabki Poco F1 mein ye missing hai.

Doosri taraf, Zenfone 5Z mein front par aapko 19:9 display di gayi hai aur Poco F1 mein 18.7:9 ki display hai. Halaanki koi khaas difference nahin hai, lekin phir bhi Zenfone 5Z mein bezels slightly thinner hain.

Overall design ki baat karein to, Zenfone 5Z ka design Poco F1 se better hai.

Display

Xiaomi ke Poco F1 mein 6.18 inch ki full HD+ display hai, jismein 500 nits brightness aur Corning Gorilla Glass 3 ka protection bhi moujood hai. Wahin Zenfone 5Z mein 6.2 inch ki full HD+ display bhi Corning Gorilla Glass 3 ke saath di gayi hai. Dono hi smartphones ke viewing angles achhe hain aur outdoor visibility mein bhi aapko koi problem nahin hogi.

Zenfone 5Z mein camera’s colour temperature sensor ki help se aap display ke colors ko automatically adjust kar sakte hain, to ye aur bhi achhe colors mein aapko nazar aayegi. Wahin Poco F1 mein bhi agar aap contrast ko increase kar colors ko adjust karte hain, to iski display bhi aur beautiful colors show karti hai.

Hardware and Software

Poco F1 aur Zenfone 5Z, dono mein aapko Octa Core Qualcomm snapdragon 845 processor diya gaya hai. Saath hi Adreno 630 GPU bhi hai. Well, performance to aapko dono mein hi kaafi achha milega, Lekin kahin na kahin , storage ko dekhein to Poco F1 hi better option hai, kyunki jitne price mein Zenfone 5Z aapko 6GB RAM aur 64GB ROM ke saath milta hai. Usse aur 1,000 INR less price mein Poco F1 aapko 8GB ki rAM aur 256GB ki storage offer karta hai.

Iske alawa dono hi smartphones mein Android 8.1 Oreo OS diya gaya hai, lekin company ke according Poco F1 mein iske upar custom UI MIUI hai, jo specially performance aur speed ko boost karne ke purpose se design kiya gaya hai.

Isi ke saath Xiaomi ne ye bhi kaha hai ki is smartphone mein Liquid cooling technology ka istemaal kiya gaya hai, jo aapko handset ko heat se protect karegi.

Iske alawa dono smartphones mein koi bhi heavy gaming ya video playback ke dauraan aapko koi lag ya problem face nahin karna padega. Dono smartphones mein Snapdragon 845 + Android Oreo ke combination se aapko achhi performance milti hai.

Camera

Zenfone 5Z mein  12 MP + 8 MP ka dual rear camera setup hai, jo aapko dual tone LED flash light, Sony IMX363 sensor, Dual Pixel PDAF, f/1.8 aperture (main), f/2.0 aperture (8MP) jaise features ke saath aata hai. Iska front camera bhi 8 MP ka hai.

Wahin Poco F1 mein aapko 12 + 5 MP ke dual rear cameras milte hain aur 20 MP ka frontal shooter diya gaya hai.

Zenfone 5Z ke rear camera quickly auto focus karta hai, camera app mein inbuilt AI feature hone ke kaaran ye scenes aur objects ko bhi easily detect kar sakta hai. Saath hi ismein diye gaye PDAF, HDR, dual pixel technology jaise features bhi aapko better image deliver karne mein helpful hain. Zenfone 5Z ke rear camera se aapko natural colors, detailing, achhi brightness aur sharpness ke saath images mil jaati hain.

Wahin Zenfone ka front camera Poco F1 ke mukaable mein thoda sa peeche hai. Well, iski selfies bhi achhi aati hai, lekin detailing aur colors mein overall Poco F1 ke 20MP selfie camera se peeche hi hai.

Wahin Poco F1 mein 20 MP ka camera aapko kaafi achhi selfies deta hai, even low-light conditions mein bhi iske pictures kaafi better hain.

Poco F1 ka rear camera jo ki 12 + 5 MP ka hai, wo bhi aapko achhi pictures deliver karta hai. Lagabhag sabhi photos mein aapko colors aur detailing ek balanced milte hain. Wahin low light shots mein bhi HDR ke saath pictures lene par aapko images mein achhi sharpness milti hai.

Battery

Zenfone 5Z mein 30K mein bhi aapko 3300mAh ki battery milti hai, lekin ye ASUS BoostMaster fast charging aur AI charging support ke saath aata hai. Wahin Poco F1 mein 4000mAh ki battery aapko 20K mein bhi Qualcomm Quick Charge 3.0 fast charging support ke saath di gayi hai.

Zenfone 5Z mein jis AI charging ki baat ki gayi hai, wo aapke charging schedule ko monitor karke uske accordingly phone ko charge karti hai, suppose aap agar poori raat ke liye phone ko charging par rakhte hain, to AI feature dwara aapka phone 80% tak charge hoga, phir thodi der ke liye automatically charging band hogi aur phir 20% automatically kuch der mein charge ho jayega, taaki aapke uthne par phone ki battery full ho. Company ke according AI charging support se battery ki life achhi rehti hai.

Storage Options, Price And Availability

Poco F1

  • 6GB RAM + 64GB ROM – 20,999 INR
  • 6GB RAM + 128GB ROM – 23,999 INR
  • 8GB RAM + 256GB ROM – 28,999 INR
  • 8GB RAM + 256GB ROM Kevlar Armored Edition – 29,999 INR

Zenfone 5Z

  • 6GB RAM + 64GB ROM – 29,999 INR
  • 6GB RAM + 128GB ROM – 32,999 INR
  • 8GB RAM + 256GB ROM – 36,999 INR

Dono hi smartphones Flipkart exclusive hain. Poco F1 ki first flash sale 29th July yaani ki coming Wednesday ko 12 PM par start hogi. Wahin Zenfone 5Z Flipkart par already available hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: