Poco F1 Lite Spotted On Geekbench With 4GB RAM

Xiaomi ne last year apna first Poco smartphone Poco F1 announce kiya, jismein 20K ki range mein Snapdragon 845 diya gaya hai. Ab jahaan log Poco F2 ko expect kar rahe hain, wahin Geekbench par Poco F1 Lite ko dekha gaya, lekin ismein Snapdragon 660 chipset nazar aaya. Saath hi yahaan par Xiaomi ka ek aur smartphone bhi nazar aa raha hai.

Poco F1 Lite ko Geekbench par Snapdragon 660 chipset ke saath dekha gaya, jo ki Mi A2 aur haal hi mein launch huye Redmi Note 7 mein bhi diya gaya hai. Poco F1 Lite mein 4GB RAM version, Geekbench par nazar aaya hai. Saath hi is phone ne 1341 points single core aur 4830 points multi core score paaya hai.

Is smartphone ke other specs to abhi reveal nahin huye hain, lekin iska score Snapdragon 660 chipset ke saath aane waale Nokia 7 Plus ke mukaable kam hai. Poco F1 Snapdragon 845 ke saath aane waala cheapest smartphone raha hai aur logon ne ise kaafi pasand kiya hai, lekin Poco F1 Lite ko Snapdragon 660 ke saath kya response milega, ye kehna mushkil hai.

Iske alawa Xiaomi ka ek aur smartphone yahaan dikhaai diya hai, jiska codename Uranus hai. Ismein bhi Snapdragon 660 hi moujood hai. Waise ye pehli baar nahin hai, jab Xiaomi ke kisi phone ka codename different nazar aaya ho. Possibly ‘Uranus’ Poco F1 Lite ka codename bhi ho sakta hai.

Well, agar Poco F1 Lite yahaan nazar aaya hai, to hum ummid karte hain ki coming weeks mein iske aur bhi informations hamaare saamne aayenge.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: