Pixel 4 Mein Milenge Revolutionary Features, Google Ne Kiya Confirm

Last kuch months se humare saamne Google Pixel ke next phone ki leaks images aur details aa rahi hai. Leak images mein dekha jaa raha tha ki Pixel 4 mein square camera module diya jaa sakta hai, jismein triple camera setup LED flash ke saath diya hoga. Lekin same module humein Apple ke next iPhone ke liye bhi dekhne ko mil raha hai. Company ne Pixel ke next phone ki video ko post kiya hai, jismein phone ke kuch features ko unveil kiya hai. Iss video ko aap neeche dekh sakte hain.

 

Google Pixel 4 mein humein kuch revolutionary features dekhne ko mil sakte hain, jismein motion sense aur face unlock include hai. Company beete 5 saal se ek project par kaam kar rahi thi, jise “Soli” naam diya gaya hai. Iss project par Advanced Technology & Project Team ke saath mil kar kaam kiya jaa raha tha. Yeh wahi RADAR technology hai jo bade object ko search karne mein use ki jaati hai. Phone mein diya gaya motion sensor issi technology par kaam karega. Iss se pehle iss feature ko Sony Ericsson ke phones mein use kiya jaa chuka hai. Google iss technology ka use first time apne phone mein karega.

Company ne apne ek blog post mein bataya ki Pixel 4, Soli ke saath aane pehla phone hoga jo ki naye motion sensor feature ke saath aayega. Aap yeh soch rahe honge ki yeh feature kaam kaise karega ? Iske liye aapko jyada mehnat nahi karni padegi. Iski help se user apne phone ko bina touch kiye bhi use kar sakenge. Aapko apne hand ke palm ko screen ke saamne la kar move karna hoga, jis se yeh motion ko detect kar lega, aur uske baad aap sirf movement kar ke hi phone ko operate kar sakenge. Iss feature ki help se user alarm ko band karna, music ko change karna ya fir phone par aa rahe calls ko silent karne jaise kaam kar sakte hai.

Also Read : Google Ne India Mein Launch Kiye Pixel 3A Aur 3A XL Smartphones 

Iske alawa agar baat karein Face unlock feature ki company iss feature ko apne devices mein dene mein thoda late jarur hai, lekin company ka kehna hai ki iss feature ko aur bhi behtar, secure aur fast technology ke saath develop kiya jaa raha hai, jahaan aapke phone ko jyada jaldi unlock kiya jaa sakega. Saath hi yeh face unlock security purpose se bhi kaafi advance tarike se kaam karega. Company ki according face identification mein use hone wale data ko kisi bhi other Google service ke saath share nahi kiya jaayega. Yeh data Pixel ke Titanium M Security chip mein store kiya jaayega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: