Is Tarah Phone Ki Battery Ko Blast Hone Se Bachaaya Jaa Sakta Hai, Khraab Battery Par Phone Bhi Deta Hai Ye Signal

Smartphones jitna humare life ko simple banate hain utna hi inhein use karte samay saavdhaan bhi rehna chahiye, afterall hai to machine hi. Aaj har kisi ki primary needs mein phones shamil ho chuke hain fir chahe wo feature phone ho ya smartphone. Lekin research ki according, inn phones se humein kaafi nuksaan bhi hota hai, jise hum visually nahi dekh paate hai, jaise ki inse nikalne waale radiations. Lekin ek loss aisa hai, jise aap dekh sakte hain aur ye hai battery blast, jiski khabrein aaye din humein sunne ko milti hain. Fir chahe wah smartphone ho ya basic feature phone.

 

Kuch samay pehle hi Samsung ke Galaxy Note 7 series phone ke blast hone ki kaafi news saamne aayi thi jiske chalte company ko yeh phone market se waapas lena pada tha. Wahin kuch samay pehle launch huye Samsung Galaxy Note 9 phone ko le kar America ki lady ne complain ki thi, jismein usne bataya tha ki uska phone lift mein jaate samay purse ke andar hi blast ho gaya tha.

Phone ke blast hone ka ek bada reason hai, phone ki battery. Aap apne phone ki battery ko blast hone se bacha sakte hain, lekin kaise? Aaj hum aapko iske baare mein thodi jaankaari denge. Iske saath hi yeh bhi bataenge ki battery blast hone se pehle aapka phone aapko kya signal deta hai, jise aap andekha kar dete hai.

Kaise Karein Battery Kharab Hone Ki Pehchan ?

  • Phone ka bahut jyada heat hona.
  • Phone ki screen ka baar baar blank hona.
  • Phone ki processing ka slow hona.
  • Phone ka baar baar hang hona.

Kaise Bachaye Phone Ko Blast Hone Se ? 

  • Phone ko charge karte samay phone par baatein na karein.
  • Phone ko raatbhar charging par laga na rakhein.
  • Phone ki battery ko full discharge na hone dein, 20-30% charging par hi phone ko dobara charge karein.
  • Agar aapke phone ki battery removable hai to battery remove kar ke dekhe ki kahin battery phool to nahi rahi hai. Iska kaaran battery ke cell dead hona hota hai.
  • Battery kharab hone par nayi battery original hi lein, compatible ya duplicate battery ka use na karein.
  • Phone ki charging slot ya charger ki pin ko wet na hone dein. Agar kisi kaaran charging slot ya charging pin  wet ho gayi hai to use proper dry karne ke baad hi upyog mein laayein.
  • Phone ko charge karne ke liye bhi original charger ka hi istemaal karein. Yeh aapke phone ki life ko banaye rakhta hai.
  • Phone ko kabhi heat ke direct contact mein na rakhein.
  • Agar aapka phone charging ke samay bhi heat ho raha hai to ise turant service centre par dikhaye.

In sabhi baaton ka dhyaan rakhne se aap battery blast jaisi problems se kaafi hadd tak bach sakte hain aur apne phone ki life ko bhi badha sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: