Paytm Ne Launch Kiya Paytm First, Market Mein Available Amazon Prime Aur Flipkart Plus Ko De Sakta Hai Takkar

Mobile wallet provide karne wali company Paytm ne apni ek aur service Paytm First ko launch kar diya hai. Yeh service market mein pehle se available Amazon Prime aur Flipkart Plus service ko compete karegi. Iss service mein company aapko shopping ke alawa entertainment, food services aur travel par cashback ke benefits provide karegi. Paytm First, Paytm users ke liye premium subscription based reward aur loyalty program hai. Iss plan ke liye aapko Rs 750 dene honge jo ek saal ke liye valid honge. Iske opposite mein aapko Amazon Prime ki one year membership ke liye Rs 999 dene hote hain, jo ki Paytm first ke compare mein thoda jyada hai.

 

 

Amazon prime mein milne wali services ki tarah hi aapko Paytm first mein kaafi service mil rahi hain. Amazon prime subscription mein aapko prime music, Prime Video, fast delivery jaisi services milti hain wahin Paytm First mein bhi  Zomato gold membership, gaana.com annual membership, Eros now membership, Sony liv aur ViU premium membership include hai jinki total value Rs 12,000 hai. Iske alawa Uber par Rs 6,000 aur Uber Eats par  Rs 2,400 ke benefit diye jaa rahe hain.

 

Inn sabhi service offers ke alawa Rs 1,500 ka cashback aur har mahine movie tickets ki booking par Rs 100 ka cashback diya jaaega. Saath hi Paytm mall se shopping karne par aapko fast delivery provide ki jaaegi. Iss service ke liye apply karne wale pehle 1500 subscribers ko Rs 100 ka instant cashback diya jaaega jiske baad aapki subscription value Rs 650 hi rah jaati hai. Haalanki yeh cashback limited time ke liye hai. Paytm First, Android aur iOS dono hi platform par available hai.

 

Company ne press statement mein kaha ki ‘ Hum apne users ke liye premium subscription best reward aur loyalty program Paytm First launch karne ke liye kaafi excited hain. Yahan hum apne users ko regular offers se jyada benefits de rahe hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: