Paytm Ne Citi Bank Ke Saath Mil Kar Launch Kiya Paytm First Card Credit Card

Digital wallet company Paytm ne Citi Bank ke saath mil kar ek credit card launch kiya hai, jiska fayda ab wah sabhi users utha sakenge jo ki credit card use karna chahte the. India mein digital transaction ko easy banane mein Paytm ka ek major role raha hai. Iss digital wallet ke through payment karne par users ko kaafi cashback aur discount milte rahe hain. Ab Paytm aur Citi Bank ke collaboration se launch kiye gaye iss First Card Credit card ke har ek transaction par 1% ka cashback user ko diya jaayega.  Abhi kuch samay pehle hi Paytm ne Paytm First service ko bhi launch kiya tha jo ki Amazon Prime aur Flipkart Plus ke opposite mein launch ki gayi thi.

 

Abhi tak  Paytm ne e-wallet ke alawa Paytm First, Paytm Mall aur Business with Paytm jaisi service di hai. Customers ko aur bhi behtar service dene ke liye company ne iss Paytm First Card ko launch kiya hai. Iss credit card ke through customer jab bhi shopping karenge, to shopping mein spend  kiye gaye total amount ka 1% cashback user ke account mein credit kar diya jaayega.

 

Company ne bataya ki yeh ek international card hai jo ki contact-less features ke saath aata hai. International card hone ki wajah se users ise na sirf India mein balki out of India bhi use kar sakte hain.  Iss card ki annual fee Rs 500 hai lekin agar user Rs 50,000 se upar ki shopping iss card ke through karta hai to use Rs 500 annual fee nahi deni hogi.  Agar Paytm First Card holders shuruaat ke 4 months mein Rs 10,000 ki transaction iss credit card ke through kar lete hain to unhe Rs 10,000 ki keemat ke hi promo-codes provide kiye jaayenge. Paytm First Card passbook ko user apne Paytm App mein jaa kar dekh sakenge.

 

Iss credit card ke liye woh users bhi apply kar sakte hain jinke pass pehle se koi credit card available nahi hai. Paytm First Card credit card ke liye users ko Paytm App mein jaa kar apply karna hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: