Paytm Mall, Ek Online Shopping Stop Jahaan Aapko Milega Kuch Aisa Experience

Badalte samay ke saath, logon ke shopping ka bhi nazariya badal raha hai. Pehle jis tarah log ek hi product ko kharidne ke liye alag alag dukaanon se uska price check karte the, ab log us product ki online market mein bhi jaanch kiya karte hain, jahaan best price ke saath aapko kaafi offers, us product ka full description aur uske genuine user reviews bhi milte hain, jisse product chunne mein aasaani hoti hai. Saath hi kayi baar product offline market ke comparison mein online market mein saste daamon par milta hai.

Is samay India ki online market ke leading player hain Amazon aur Flipkart, saath hi inke alawa Ebay, Tata CliQ, ShopClues aur Snapdeal jaisi companies bhi moujood hain. Lekin in sabmein ek aur naam hai jo texi se online market mein upar aa raha hai aur wo hai- Paytm Mall. Jis tarah payments aur online banking transactions ke liye Paytm India mein texi se popular hua hai, usi tarah Paytm Mall ko bhi company ek achha online retailer banaane ki koshish kar rahi hai. Iske liye aapko is shopping site par kayi cashback offers, kayi discounts aur bhi kuch offers milenge.

Sharmaji Technical ki team dwara is shopping site se purchasing karne par pata chala ki ye aapko best price par achhe products provide karta hai aur saath hi achhe cashback offers bhi deta hai. Well, ye sab offers yun hi hain, ya waakyi mein yahaan se order karne par kuch benefits milte bhi hain.

Is sawaal ka jawaab paane ke liye haal hi mein LG ka ek 2 Ton ka inverter spilt AC Paytm Mall se purchase kiya jo humein 48,244 INR ka mila, jabki Amazon aur Flipkart par iska price thoda jyada hai. Saath hi yahaan se order karne par Paytm Mall dwara humein lagbhag 6,000 INR ka cashback mila aur saath hi MicroTek ka ek stabilizer bhi provide kiya gaya jis par aur 2,000 INR ka cashback diya jata hai. Iske alawa Paytm Mall se AC installation bhi aapko free mein milta hai.

Iske baad Paytm Mall se AC deliver bhi hua aur authorized center ke logon ke aakar ise properly install bhi kiya aur uska koi charge bhi nahin kiya gaya. Lekin iske saath jo copper wire aati hai, yadi uske alawa aapko aur extra wire chahiye, to uska charge aapko dena padta hai.

Filhaal ye kehna sahi hai, ki online market mein apni jagah banaane ke liye Paytm Mall kaafi achhe offers aur best price mein quality products de raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: