Pataakha :Nafrat Se Bhari 2 Behanon Ki Kahani, Kuch Naya Dikhaya Hai Vishal Bharwaj Ne Iss Baar Bhi

Is baar Friday Ko ‘Sui dhaaga’ film ke saath release hui hai, Vishal Bhardwaj ki film ‘Pataakha’. Naam ki tarah is film mein bhi do behenon ke beech aapko ladaayi ke pataakhe hi bajate nazar aayenge. Romance , action , thrill , drama , biopic ! Agar aap inn sabhi tarah ki movies ko dekh dekh kar bore ho gaye hai to yah movie hai thodi hat kar ke hai.  Is film meinpyar nahin, balki 2 sagi behenon ki takraar ko bade parde par dikhaaya gaya hai.

Vishal Bhardwaj dwara direct ki gayi ye movie, Writer Charan singh Pathik ke dwara likhi huyi ek short story par based hai. Female lead role mein 2 behano ka character play karne wali ladkiyan Sanya Malhotra or Radhika Madan hai jinhe aap pahle bhi dekh chuke hai . Iske alawa male lead cast mein Vijay Raaj , Sunil Grover, Sadanand Verma hain.

Radhika Madan ko aapne pahle Colors TV par telecast hone wale daily show ‘meri aashiqi tum se hi’ mein dekha hoga or Sanya Malhotra ko dangal girl ke naam se har koi janta hai. Vijay Raj ne yaha inn dono ladkiyon ke Pita ka role play kiya hai. Yaha movie me dono behnon ka naam Champa Kumaari aur Genda Kumari hai .

Naam ko judge karte huye yah movie poori tarah se ek pataakha saabit hoti hai. Jese pataakha kabhi bhi fat sakta hai wese hi inn 2 behno mein kabhi bhi kahi bhi ladaai suru ho jaati hai. Poori movie mein dono behan jyadatar ek dusre ke sath ladaai karti huyi nazar aati hai ya ek dusre ko khoob khari khoti sunati huyi nazar aati hai jo ki movie mein aapko suru se le kar aakhiri tak dekhne ko milega. Iske alawa dono behno mein beedi peene ki ek boori aadat hai jis ki wajah se unke pita bahot paresan hai or apni betiyon ki shadi jald se jald karwana chahte hai.

Iske baad ladaai or gaaliyon ke chalate movie mein thoda twist aata hai dono ladkiyon ka affair shuru hota hai . Wahin Sunil Grover jo ki movie mein Dipper naam ke ladke ka role play karta hai , inn dono behano ko aapas me ladwaane ka kaam karta rahta hai. Movie ki poori shooting Rajsthan ke ek gaon mein ki gayi hai.

Dono behno ko sapne dekhne ka shauk hai . Ek behan business karna chahti hai dusri teacher banna chahti hai. Jab pita un dono mein se kisi ek ki shadi ek vidhur (widower) ladke se karana chahata to dusri behan bahot khush hoti.

Shadi ka samay aate hi, wo mandap se bhaag khadi hoti hai or unhe bhagaane mein madad karta hai Dipper (Sunil Grover).

Movie mein twist tab aur bhi badh jaata hai, jab wo dono hi apne lovers ke saath shaadi karke sasural pahunchti hain, aur wahaan pahunchkar unhein pata chalta hai ki jinse unki shaadi hui, wo bhi sage bhai hain.

Finally jo behne ek dusre ke sath bilkul nhi rahna chahti thi ab unhe zindagi bhar ke liye ek dusre ke sath rahna padega. Poori movie mein apko kahi bhi entertainment ki kami nhi lagegi . Kabhi Vijay Raaj to kabhi Sunil Grover entertainment or hasi ke thahake lagaane par majboor karte nazar aayenge.

Vishal bhardwaj ne apne direction se ek baar fir yah saabit kar diya hai ki kisi famous actor ya actress ke bina or bina kisi hype ke bhi aap ek behtreen movie audience ko de sakte hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: