Oppo Ke Naye Smartphone Patents Leak, Full View Screen Aur Selfie Centric Second Display Ke Saath Launch Hoga Ye Smartphone

Oppo ka recent smartphone Find X hum dekh hi chuke hain, ki wo kitna premium aur high-end smartphone hai. Find X ab tak ka sabse jyada screen-to-body-ratio 93.8% ke saath aane wala handset hai, jiske elevated cameras, 3D facial recognition aur in-display fingerprint reader jaise features hain. Lekin iske baad aaj phir se Oppo news mein hai aur wo bhi kisi naye smartphone ki charcha ko lekar.

Darasal, Oppo ne haal hi mein naye smartphone ke patent file kiye hain jiska design kaafi unique lagta hai. Halaanki ye smartphone abhi jaldi mein nahin aane wala hai. Oppo ke is naye smartphone patent ke according ye full-screen display ke alawa ek second display ke saath bhi aayega jo ki rear panel par hogi.

Upar di gayi patent ki image ke according Oppo ka ye new smartphone front par full display ke saath aayega, jismein na to notch hai, na hi front camera aur na koi sensor, saath hi bezels bhi ultra slim hai, jisse ye aapko kaafi high screen-to-body-ratio offer karega. Lekin iske alawa iske rear panel par bhi upar ki taraf ek second display hogi jiske left side par rear camera setup hai.

Well, ye second display, selfies ke liye yahaan par di gayi hai, taaki user ko aage truly full display mile aur selfie ke liye aap is second display ka use kar sakein. Saath hi neeche di gayi image mein aap ye bhi dekh sakte hain ki rear cameras ke liye company ne alag alag positions consider ki hain. Company ne ye patent jaldi mein nahin, balki last year September mein file kiya tha, jise 12th July ko World Intellectual Property Office (WIPO) ne publish kia.

Saath hi ye bhi dikh raha hai ki is smartphone mein rear panel par fingerprint sensor nahin hai, jo ki front par hi under-display hoga. Iske alawa company ne kuch aur multiple patents bhi file kiye hain, jinmein foldable display smartphone ke plans bhi shaamil hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: