Oppo Reno Z, Snapdragon 710 Chipset Ke Saath Announce Hua

Oppo Reno, Reno 10x Zoom jaise smartphones launch karne ke baad, company ne aaj globally Reno Z announce kar diya hai. Is smartphone ko aaj Europe mein announce kiya gaya hai.

Oppo Reno Z mein 6.4 inch AMOLED full HD+ display moujood hai aur ise power dene ke liye Octa Core Qualcomm Snapdragon 710 chipset hai. Is smartphone mein waterdrop notch di gayi hai, jismein 32 MP ka selfie shooter fit kiya gaya hai.

Oppo Reno Z mein bhi, aaj ke trend ko dekhte huye, 48 MP ka primary rear camera hai, jo ki Sony IMX586 sensor ke saath aata hai, saath mein 5 MP ka camera, depth focusing ke saath moujood hai. Iske alawa iske rear panel par ek O-dot bhi diya hua hai, jo ki phone ko neeche rakhne par, camera lenses ko protect karta hai.

Ismein aapko 3950mAh ki battery, 20W VOOC 3.0 flash charge technology ke saath milti hai.

Oppo Reno Z ko company ne 6GB ki RAM aur 256GB storage ke saath unveil kiya hai. Ise Ocean Green aur Jet Black colors mein 150 Euros ke price par market mein utaara gaya hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: