Oppo Reno & Reno 10x Lossless Zoom Version Flagship Smartphones India Mein Launch Huye

Oppo ki nayi brand Reno ke first smartphones aaj India mein launch kiye gaye hain. Ye dono smartphones Jet Black & Ocean Green colors mein saamne aaye hain. Ye handset Flipkart exclusive hain aur June 7 se India mein sale ke liye available honge.

In dono hi smartphones mein shark fin pop-up selfie camera, 16 MP resolution aur f/2.0 aperture ke saath diye gaye hain. Saath hi dono mein in-display fingerprint sensor moujood hai aur dono mein aapko dual SIM slots bhi milte hain. Iske alawa baaki features dono mein different hain.

Oppo Reno 10x lossless zoom version

Oppo ke 10x lossless zoom version ki khaasiyat to aap iske naam se samjh hi gaye honge. Lekin saath hi company ne ise Qualcomm Snapdragon 855 chipset ke saath launch kiya hai. Iske alawa ismein aapko 6.6 inch ki full HD+ AMOLED display, Corning Gorilla Glass 6 ke saath milti hai.

Ismein aapko triple rear cameras diye gaye hain, jinmein 48 MP ka main camera Sony IMX586 sensor, f/1.7 aperture, Laser auto focus, PDAF aur LED flash light ke saath milta hai. Wahin 13 MP ka periscope telephoto lens, f/3.0 aperture ke saath diya hai aur 8 MP ka ultra wide angle camera, 120 degree ultra wide angle lens, 10x hybrid zoom ke saath aata hai.

Iske  alawa Oppo Reno 10x lossless zoom version mein 4065mAh ki battery, VOOC 3.0 fast charging ke saath milti hai.

Oppo Reno

Oppo Reno mein 6.4 inch ki full HD+ AMOLED display hai, aur yahaan bhi Corning Gorilla Glass 6 resistance milti hai. Ismein aapko Octa Core Qualcomm Snapdragon 710 chipset diya gaya hai.

Oppo Reno mein dual rear sensors hain. 48 MP ka primary camera, Sony IMX 586 sensor aur f/1.7 aperture ke saath moujood hai, jabki 5 MP ka secondary camera f/2.4 aperture ke saath, depth focusing ke liye diya hai.

Is handset ki battery capacity 3765mAh hai aur ye bhi VOOC 3.0 fast charging ke saath hi launch hua hai.

Ab baat karte hain, pricing ki.

Oppo Reno ko sirf 8GB RAM aur 256GB UFS 2.1 storage ke saath announce kiya hai, jiski kimat 32,990 INR hai.

Wahin Oppo Reno 10x lossless zoom version ke 6GB RAM ke saath 128GB ROM variant ko aap 39,990 INR mein aur 8GB RAM ke saath 256GB ROM version ko aap 49,990 INR mein purchase kar sakte hain.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: