Oppo Reno Mein Mil Sakta Hai Inclined Pop Up Selfie Camera, Saamne Aayi Leaks Images

Oppo jaldi hi apne ek aur naye sub-brand Reno ko introduce karne wala hai. Phone ki kaafi leaks already saamne aa rahi hai. Aaj iss phone ke camera design ko le kar kuch images saamne aayi hain. Abhi tak aapne straight pop-up selfie camera phones mein dekha hoga lekin iss phone mein inclined selfie camera dekhne ko mil sakta hai. Iske alawa saamne aayi leaks mein yeh bhi bataya gaya hai ki iss phone mein liquid cooling technology ka use kiya jaaega. Jiski wajah se phone heat hone se bachega. Cooling technology ko dekhte huye expect kiya jaa raha hai ki yeh phone company ka gaming series phone bhi ho sakta hai.

Leaks images mein phone ke rear panel par dual camera dekha jaa sakta hai. Expect kiya jaa raha hai ki company iss phone mein 10X lossless zoom technology ka use kar sakti hai. Company ne iss technology ko MWC 2019 mein showcase kiya tha. Oppo Reno ki ek video saamne aayi hai jismein iss phone ke inclined pop up selfie camera ko dekha jaa sakta hai. Yeh video sabse pehle Slashleaks.com ne post ki thi. Video mein phone ke rear camera ko rotate kar ke dikhaya jaata hai. Camera rotate karte hi phone mein inclined selfie camera pop out hota hai. Iss video ko aap upar dekh sakte hain.

Image Credit : /Leaks.com

Iss phone mein company ne ek naye voice assistant ko introduce kiya hai jiska naam Breeno hai. Khaas baat yeh hai ki iss voice assistant ke liye bhi company ne phone mein koi physical button nahi diya hai. Abhi tak saamne aayi reports mein bataya gaya hai ki iss phone mein 4065mAh ki battery di jaa sakti hai saath hi phone mein 12GB ki RAM bhi dekhne ko mil sakti hai. Upar dikhai de rahi image mein yeh clearly dekha jaa sakta hai ki phone mein 3.5mm headphone jack aur charging ke liye USB type-C port diya jaaega. Reports ki maane to company iss phone ko China mein 10th April ko announce kar sakti hai.

 

Sources ki according yeh phone Singapore mein Bluetooth SIG aur IMDA certifications ko clear kar chuka hai. IMDA ( Info-communication Media Development Authority ) ne iss phone ke baare mein koi information nahi di hai lekin SIG Bluetooth ke taraf se saamne aayi news mein bataya gaya hai ki iss phone mein CPH1917 6.4 inch ki display di jaa sakti hai. Saath hi yeh phone Snapdragon 710 processor ke saath launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: