Oppo Reno 2 Ke Kuch Aur Specs Bhi Aaye Saamne, Mil Sakta Hai Snapdragon 730G Processor

Oppo dwara April mein launch kiye gaye phone, Oppo Reno series ke next phone Reno 2  ko launch karne ki taiyari mein company lagi huyi hai.  Iss phone ki teaser image already humare saamne aa chuki hai, jismein yeh phone quad rear camera setup aur shark fin rising front camera ke saath dekha gaya hai. Yeh phone sabse pehle Indian market mein launch kiya jaayega, jahaan iski launching date 28th August rakhi gayi hai.

Launch se pehle release kiye gaye teaser video mein dekha gaya tha iss phone mein humein ultra dark mode dekhne ko milega. Iss se yeh expect kiya jaa raha hai ki iss phone mein 48MP ka 20X zoom camera, ultra dark mode aur ultra steady video capability ke saath mil sakta hai, jiski help se hum low light mein bhadiya photography ka benefit le sakenge.

Latest leaks ki maane to Oppo Reno 2 mein humein 6.55 inch ka  panoramic notch-less AMOLED display mil sakta hai, jismein screen resolution 2400X1080 hoga. Iske alawa confirm kiya hai ki iss smartphone mein humein Qualcomm Snapdragon 730G chipset dekhne ko milega. Phone mein VOOC 3.0 flash charge technology ka support milega. Issi ke saath rumors ki maane phone 4000mAh ki battery ke saath aa sakta hai. Phone ke rear panel par finger print scanner diya gaya hai, iske alawa yeh bhi expect kiya jaa raha hai ki iss phone mein latest G3 optical sensor finger print unlocking technology ke saath in-display finger print scanner 3.0 bhi humein mil sakta hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: