Oppo R17 Pro Next Month Hoga India Mein Launch: Triple Rear Cameras, In-display Fingerprint Sensor, VOOC Flash Charging And More

Teasers ke baad, aaj Oppo ne finally announce kar diya hai ki Oppo R17 Pro India mein next month launch hone wala hai. Saath hi is smartphone ke pre-orders bhi iske launch se pehle hi start ho jayenge. Oppo R17 Pro ko India mein Radiant Mist and Emerald Green colors mein launch kiya jayega.

Aaiye jaante hain iski launch date, price aur specifications.

Oppo R17 Pro India mein 4th December ko launch hoga aur iski bookings aap 1st December, 2018 se hi kar sakte hain. Is smartphone ka global launch August 2018 mein ho chuka hai.

Oppo R17 Pro mein aapko waterdrop notch ke saath 6.4 inch ki FHD+ 19:9 display milti hai aur rear panel ke center mein triple rear camera moujood hai. Saath hi ye smartphone sirf 7.9mm thick hai ismein aapko in-display fingerprint sensor milne waala hai.

Oppo R17 Pro mein Octa Core Qualcomm Snapdragon 710 processor moujood hai, saath hi 8GB ki RAM aur 128GB ki internal memory aapko yahaan par mil jaati hai. Ismein 12+20+TOF 3D MP ke triple rear cameras hain. Iska selfie camera 25 MP ka hai, jo ki f/2.0 aperture, AI, Sony IMX576 sensor, 3D Portrait jaise features ke saath aata hai.

Saath hi R17 Pro ki battery capacity 3700mAh hai aur ismein aapko Oppo ka SuperVOOC fast charging support bhi milta hai.

Oppo R17 Pro mein Android 8.1 Oreo OS ke saath ColorOS 5.2 milne waala hai aur saath hi dual 4G VoLTE support bhi company aapko yahaan de rahi hai.

Ab is handset ke India price ki baat karein to, ye aapko lagbhag 45,000 INR mein milega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: