Oppo R17 Pro India Mein Hua Launch, Yahan Jaaniye Phone Ke Price, Specification Aur Baaki Details Ke Baare Mein

Finally Oppo ne aaj India mein apna most awaited phone Oppo R17 Pro launch kar diya hai. Jaha Oppo ke Indian customers ko iss phone ka kaafi time se intejaar tha, wahin Oppo ne bhi apne customers ke liye yeh phone ek surprise ke saath launch kiya hai. Oppo R17 Pro ke special features ki baat ki jaaye to jaisa ki hum sabhi jaante hain ki Oppo apne camera ke liye jaaana jaata hai, wahin iss baar bhi Oppo ne apne camera ko aur bhi jyada enhance kiya hai. Aaiye jaante hain Oppo R17 Pro ke behtareen features ke baare mein.

HARDWARE 

Oppo R17 Pro ke hardware ki baat ki jaaye to iss phone mein Qualcomm ka Snapdragon 710 processor diya gaya hai. Saath hi phone mein 6.4 inch ki FHD+ display di gayi hai jo water drop notch ke sath aati hai. Iske alawa phone ke storage variant ki baat karein to yeh single storage variant mein launch kiya gaya hai jahan aapko 8GB RAM aur 128GB internal storage ka option diya gaya hai. Phone ko design ko kaafi hadd tak bezel-less form mein design kiya gaya hai. Jaha aapko phone ka screen to body ratio 91.5% milta hai. Phone ke back panel ko 3D glass ke design ke saath banaya gaya hai, jo ki gradient color ke saath kaafi attractive look deta hai.

OPTICS

Oppo R17 Pro ke camera ki baat ki jaaye to camera iss phone ki ek major highlight hai. Phone mein triple rear camera setup diya gaya hai.  Company ne bataya ki yeh phone na sirf day time photography ke liye balki night time photo shoot ko dhayan mein rakh kar design kiya gaya hai. Phone ke camera ko poori tarah se AI based design kiya gaya hai. Jaha primary camera 12MP ka  aur secondary camera 20MP ka diya gaya hai. Primary camera ki baat ki jaaye to ismein aapko AI based ultra night mode diya gaya hai jo ki bhadiya night time photos click karne mein capable hai. Iske alawa camera mein pixel level reconstruction feature diya gaya hai jo ki photos ko click karne ke baad use automatically enhance kar sakta hai.

Yahi nahi Oppo R17 Pro ke camera mein AI based image processing feature bhi diya gaya hai. Saath hi AI scene recognization feature bhi aapko milta hai jo ki 23 different types ke independent scene ko aur 864 types ke mystic scenes ko identify kar sakta hai. Itna hi nahi iss camera mein AI ultra clear image engine diya gaya hai ki jo ki night mode photo shoot mein help karta hai.

Ab baat karte hain phone ke front camera ki jo ki 25MP ka diya gaya hai. Front camera mein aapko AI beauty mode, AI stickers jaise features diye gaya hain. Saath hi Oppo ne kuch emoji ko bhi iss front camera mein add kiya hai jise Omoji naam diya gaya hai. Iske alawa phone ke camera mein image stabilization aur smart aperture jaise feature bhi milte hain. Smart aperture ki baat ki jaaye to company ne bataya ki phone ka aperture day aur night time ki according photography ke liye automatically adjust ho jaata hai.

BASIC SPECIFICATION 

Inn sabhi features ke alawa phone ki highlight hai phone mein di gayi super VOOC charging. Super VOOC charging ke liye company ne bataya ki yeh phone mein di gayi 3700mAh ki battery ko sirf 40 minute mein hi full charge ho kar sakta hai. Phone ke color variants ki baat ki jaaye to yeh phone 2 color variant mein launch kiya gaya hai Radiant Mist aur Emerald Green. Jahan Radiant Mist gradient color mein launch kiya gaya hai. Oppo R17 Pro mein aapko Color OS 5.2 based Android 8.1 Oreo milta hai. Saath hi iss phone mein in-display finger print scanner ka option bhi diya gaya hai.

Iske alawa company ne apne customers ko ek surprise dete huye Oppo R17 ko bhi launch kiya hai jismein aapko almost Oppo R17 Pro jaise specification thode downgrade ke saath diye gaye hai.

Oppo R17 Pro ki price Indian market mein Rs 45,990 rakhi gayi hai wahin Oppo R17 ki price company ne Rs 34,990 batayi hai. Yeh phone 7th December se Amazon par sale ke liye available hoga. Iske alawa aap ise Oppo ke offline stores se bhi purchase kar sakenge.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: