Oppo R15X Ki Images And Specifications Huyi Leak, AI Feature Ke Sath Jaldi Hoga Launch

Aaj ke samay mein kisi bhi phone ke specification leaks hona koi badi baat nahi rahi hai. Badi se badi company ke flagship phones ki details bhi ab unke launch se pehle hi leak ho hi jati hai. Aur is baar jis smartphone ki specs leak hui hai, wo hai Oppo ka upcoming mid-range handset R15X.  Chinese certification site TENAA par Oppo R15X ki specifications saamne aayi hai. Oppo R15X ki specification kaafi hadd tak haal hi mein launch huye Oppo K1 se match karti huyi dikh rahi hai.

Oppo R15X mein Qualcomm Octa-core Snapdragon 660 ka processor diya gaya hai, yeh processor in-built Adaptive Intelligence(AI) feature sath diya gaya hai jo ki Neural Processing Unit (NPU) par based hai. Oppo R15X mein 6.4 inch ki FHD+ display di gayi hai jismein aapko Corning gorilla glass 5 ka protection milta hai.

Phone ke rear panel mein koi bhi finger print sensor nahi dikhai de raha hai. Zaahir hai ki phir under display fingerprint sensor moujood hoga. Saath hi leaked images mein display mein aapko water drop notch bhi dikh hi rahi hai.

Oppo R15X ko agar aap Oppo K1 se compare karte hain to yaha major difference sirf storage ka dikhai deta hai. Oppo K1 mein 64GB ki single storage ka option diya hai, wahin Oppo R15X mein 128GB ki on-board storage milti hai. Iski storage ko aap microSD card ki help se 256GB tak aur bhi expand kar sakte hai. Yeh phone two RAM variants- 4GB aur 6GB mein available hoga. Phone mein 3,500mAh ki battery VOOC flash charging support ke saath milti hai jo 10W fast charger ko support karti hai.

Camera section mein bhi yeh phone Oppo K1 ki specifications ko hi carry karta hai. Oppo R15X mein 16MP + 2MP ka rear dual camera setup diya gaya hai wahi 25MP ka front facing selfie camera diya gaya hai. Iske alawa yeh phone Android 8.1 Oreo based Color OS 5.2 par run karega.

Expect kiya jaa raha hai ki yeh phone jaldi hi China mein launch kiya jaaega. Website par di huyi details mein iss phone ki keemat CNY 2,499 ( Rs 26,600 Approx. ) batayi jaa rahi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: