Oppo Ne Share Ki Apne First Foldable Smartphone Ki Images

Samsung ke Galaxy Fold aur Huawei ke Mate X ke baad, Oppo ne bhi ye confirm kar diya hai ki wo bhi jaldi hi foldable smartphone launch kar sakta hai. Itna hi nahin, Oppo jis foldable smartphone par kaam kar raha hai, uski images bhi company ke VP ne share ki hain. Is smartphone ko lekar company ne kuch details share ki hain.

Sabhi foldable smartphones ki hi tarah, Oppo ke is foldable smartphone mein bhi middle mein hinge di gayi hai. Iske alawa Huawei ke Mate X ki hi tarah, iski bhi ek side thicker hai, jismein dual rear cameras hain aur fold karne par inhin dual cameras aur rear display ko aap selfie lene ke liye istemaal kar sakte hain.

Oppo ke is upcoming smartphone ka design, kisi hadd tak Huawei Mate X ke jaisa hi hai, lekin screen yahaan par thodi badi lag rahi hai, lekin saath hi bezels bhi thode bade hain. Fold karne par rear display ke saath jo thicker side portion aapko dikhta hai, usmein cameras ke neeche ‘designed by oppo’ bhi likha hai.

Lekin yahin par is smartphone ko lekar Oppo ke VP, Brian Shen ka kehna hai ki users ke experience mein foldable phones koi khaas improvement lekar nahin aayenge. Saath hi unhone kaha, ki is smartphone ka mass production, future mein wo tabhi karenge jab users foldable smartphones mein interested honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: