Oppo Ne Kiya Announce, Shark Fin Front Facing Camera Wala Smartphone Oppo Reno Jaldi Hi Hoga India Mein Launch

Oppo ne apne Reno series smartphone ko last month China mein launch kiya tha. Iss phone ka intejaar Indian audience ko bhi tha. Company ne iss phone ke India launch ki date announce kar di hai. Company India mein Oppo Reno smartphone ko officially 28th May ko launch karne jaa rahi hai. Yeh phone apni 10X Lossless Zoom technology ke liye charcha mein raha hai. Haalnki company ne iss phone ka standard variant bhi announce kiya tha. Bataya jaa raha hai ki company iss phone ke Standard  Edition aur 10X lossless zoom Edition dono ko hi India mein launch karegi.

Company ne social media par ek post kiya hai jismein likha hai  “I am Reno, soon to India 28th May”  jis se  confirm hota hai ki company iss phone ko India mein launch karne wali hai. Baat karein phone ke highlights ki ismein diya gaya shark fin front facing camera iski highlight hai jo ki basically ek pop-up camera mechanism se inspired hai. Iske alawa phone ke dono variants mein aapko VOOC 3.0 fast charging milti hai. Phone ke standard edition mein 3765mAh aur 10X lossless zoom variant mein 4065mAh ki battery di gayi hai.

 

Phone ke standard Edition mein 6.4 inch ki full HD+ AMOLED display di gayi hai wahin iske other variant mein aapko 6.6 inch ki full HD+ AMOLED display di gayi hai jo ki ultra narrow bezels ke saath aati hai. Phone ke dono hi variants mein aapko 48MP ka primary camera milta hai iske opposite standard edition mein secondary camera 5MP ka aur top variant mein 13MP ka periscope telephoto camera diya gaya hai.  Iske alawa third camera 8MP ka 120° ultra wide lens ke saath aata hai jo ki top variant mein diya gaya hai. Saath hi 16MP ka front facing camera aapko ismein milta hai. 28th May ko India mein launch hone k baad humein iss phone ki Indian market price pata chalegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: