Oppo Ka Naya Smartphone Teaser: India Mein Jaldi Hi Is Price Ke Saath Launch Ho Sakta Hai Oppo K1

Oppo India mein jaldi hi ek naya smartphone launch karne waala hai aur is naye handset ke teasers bhi saamne aa chuke hain. Iski khaasiyat ye hai ki ismein in-display fingerprint sensor diya jayega. Is smartphone ka landing page Flipkart par nazar aaya hai.

Flipkart par aaye landing page ke according ye handset in-display fingerprint sensor ke saath aayega aur saath hi affordable mid-range category mein launch hoga. Saath hi ye teaser image is taraf bhi ishara karti hai ki ye smartphone Oppo K1 ho sakta hai, jo ki China mein last year launch ho chuka hai.

Saath hi is teaser mein Oppo ke ye bhi likha hai ki ““A new series from Oppo is coming soon to #UnlockWithStyle” for you.”. Yaani ki ek new series ka smartphone aane waala hai aur Oppo K1 bhi K series ka first smartphone hai.

Oppo K1, October 2018 mein launch hua tha. Aur is smartphone mein 6.4 inch ki full HD+ display hai aur ye Octa Core Qualcomm Snapdragon 660 chipset par chalta hai. Is smartphone mein 3600mAh ki battery di gayi hai, jo ki Super VOOC fast charging technology ke saath aayegi.

Iske alawa yahaan aapko Color OS 5.1 software milta hai, jo ki Android 8.1 Oreo OS par based hai.

Is handset mein 16+2 MP ke dual rear cameras hain, jo ki LED flash light ke saath aayega. Saath hi is handset mein 25 MP camera, selfie lene ke liye moujood hai.

Oppo K1 ke China mein two models launch huye hain jinmein 4GB+64GB aur 6GB+64GB models shaamil hain. Halaanki ye confirm nahin hai ki India mein kaunse variants aa sakte hain.

Maana jaa raha hai ki, Oppo K1 ko India mein 17,000 INR to 19,000 INR ki price range ke beech launch kiya jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: