Oppo K3 Issi Month Hoga India Mein Launch, Amazon.in Par Live Hua Page

Kuch din pehle hi Amazon.in par Oppo K3 smartphone ki ek teaser image dekhne ko mili thi, jis se expect kiya jaa raha tha ki yeh phone jaldi hi India mein entry kar sakta hai. Wahin aaj Amazon.in par iss phone ki launch date ko reveal kar diya hai. Iss phone ko 19th July ko India mein launch kiya jaayega. Yeh phone ko China mein May mein already announce kiya jaa chuka hai.

Iss phone ke saath company ne Designed To Perform tag line ko mention kiya hai. Baat karein agar iss phone ke specifications ki Oppo K3 6.5 inch FHD+ AMOLED screen ke saath aata hai, jismein non-stroboscopic low light eye protection aapko milta hai. Yeh phone apne pop-up selfie camera ko le kar bhi charcha mein bana hua hai. Phone ka front facing camera 16MP ka popup mechanism ke saath aur rear camera 16MP+2MP ke dual camera setup ke saath aata hai. China mein iss phone ko do storage variants mein announce kiya gaya tha. Amazon.in par live kiye gaye page mein iss phone ko sirf 8GB+128GB variant mein show kiya gaya hai.

Bhadiya performance ke liye iss phone mein Qualcomm Snbapdragon 710 chispet ko use kiya gaya hai. Yeh phone in-display finger print scanner ke saath aata hai jo ki aapki device ko 28.5% jyada fast unlock kar sakta hai. Behtar audio output ke liye iss phone mein Dolby Atmos ka support milta hai. Oppo K3 mein 3765mAh ki battery di gayi hai jo ki VOOC flash charge 3.0 technology ko support karti hai.

Amazon.in par show kiye gaye page par iss phone ki price ko le kar koi jaankari nahi di gayi hai. China mein iss phone ko CNY 1599 (~Rs 16,100) ki price par announce kiya gaya tha,jahaan iss phone mein 6GB+64GB internal storage aapko milti hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: