Oppo K1 Vs ASUS Zenfone Max Pro M2 Detailed Comparison: In-Display Fingerprint Scanner OR 5000mAh Battery, What Will You Choose ?

Oppo ka lower-mid-range smartphone, Oppo K1, India mein launch ho chuka hai, saath hi is price mein ye in-displayfingerprint scanner ke saath aane waala Oppo ka first smartphone hai. Company ne ise glass back aur gradient color options mein launch kiya hai, jisse iska premium look bahut achha lagta hai hai. Iske alawa ASUS ka December mein launch hua Zenfone Max Pro M2 bhi isi price range mein aaya hai, saath hi usmein bhi same chipset moujood hai aur design bhi premium hai. Aaj hum bhi Zenfone Max Pro M2 aur Oppo K1 ka detailed comparison kar yahaan jaanne ke koshish karte hain, ki kaun sa smartphone behtar hai.

Design and Build Quality

Oppo K1 premium design ke saath launch hua hai, ismein plastic frame ke saath front aur rear sides par glass diye gaye hain. Saath hi ye gradient finish ke saath launch kiya gaya hai, jo ki aajkal is price range ka trend sa ban gaya hai. Is device ki build quality kaafi achhi hai aur phone slim bhi hai. 6.4 inch ki display ke saath bhi, ye compact hai.

Wahin Zenfone Max Pro M2 mein aapko glass finish plastic milti hai, halaanki ye bhi glossy finish ke saath aata hai, lekin fingerprints easily catch karta hai. Is handset mein 5000mAh ki battery ke baad bhi, ye aapko heavy nahin lagega. Saath hi ismein screen par Corning Gorilla Glass 6 protection bhi milti hai. Saath hi Zenfone MAx Pro M2 mein wide notch hai, jabki K1 mein waterdrop notch di gayi hai aur is handset mein aapko thodi si, lagbhag 0.2 inch badi display bhi milti hai.

Dono hi smartphones mein aapko micro USB port aur speakers, bottom edge par milte hain. ASUS Zenfone Max Pro M2 mein right edge par volume rocker aur power button hain, jabki Oppo K1 mein right edge par power button hai, aur left edge par volume rockers hain. Iske alawa dono smartphones ki SIM tray left edge par hi hai. Zenfone MAx Pro M2 mein rear panel par fingerprint sensor bhi hai, jabki Oppo K1 mein is price par in-display fingerprint scanner diya gaya hai, jo ki iska sabse bada + point hai.

Overall, dono hi smartphones ka deisgn kaafi behtar hai, lekin Oppo K1 ka design and build quality jyada impressive hai.

Display

Zenfone Max Pro M2 mein 6.26 inch ki full HD+ IPS LCD display hai aur Oppo K1 mein 6.4 inch ki full HD+ AMOLED display hai. Dono hi smartphones ki display sharp aur vibrant hai, wahin viewing angles bhi kaafi achhe hain. Dono hi smartphones ki visibility sunlight mein bhi kaafi behtar hai. Lekin Oppo K1 mein AMOLED display hai, jabki Zenfone Max Pro M2 IPS LCD display hai.

Wahin Zenfone Max Pro M2 mein Corning Gorilla Glass 6 protection hai, jabki Oppo K1 mein koi protection nahin hai.

Hardware And Software

Oppo K1 aur Max Pro M2, dono mein hi Octa Core Qualcomm Snapdragon 660 AIE processor moujood hai. Dono hi smartphones ki performance achhi hain. Is chipset ke baare mein hum aapko pehle hi bata chuke hain aur is price range mein mostly handsets mein yahi chipset available hai. Games ya multiple apps using ke dauraan, abhi tak is chipset ki performance mein koi lag ya issue nahin paaya gaya hai.

Oppo K1 mein aapko Color OS milta hai, jabki Zenfone MAx Pro M2 mein ZenUI hai. Dono mein 8.1 Oreo, Android version hai. Lekin Oppo ke Color OS mein abhi bhi kaafi kamiyaan hain, jabki MAx Pro M2 ki Zen UI stock Android jaisi hi lagti hai.

Camera

Oppo K1 mein jahaan 16+2 MP ka dual rear camera setup hai, wahin Zenfone Max Pro M2 mein 13+5 MP ke dual rear cameras fit kiye gaye hain.  Zenfone Max Pro M2 ke shots mein coloring achhi hai, lekin detailing mein ye smartphone, thoda sa miss kar jaata hai.

Wahin Oppo K1 ke shots clearer aur sharper hain, saath hi details bhi kaafi achhi hain.

Iske alawa Zenfone Max Pro M2 ka selfie camera 13 MP hai, jo ki achhe pics deliver karta hai, lekin Oppo K1 mein 25 MP ka selfie shooter diya gaya hai, jisse selfies ke maamle mein ye yahaan clear winner hai, lekin iska AI beautification mode itna achha nahin hai.

Battery

Oppo K1 ki battery capacity 3600mAh, wahin Max Pro M2 mein aapko giant 5000mAh ki battery di gayi hai. Yahaan par Zenfone Max Pro M2 aapko 1 full day se jyada ka battery backup deta hai, wahin Oppo ke is handset ki battery thodi choti hai. Lekin dono hi smartphones mein aapko yahaan fast charging support nahin di gayi hai.

Storage And Pricing Details

Oppo K1 mein sirf 4GB+64GB model hi launch kiya gaya hai, jiska price 16,990 INR hai aur ye 12th February se Flipkart par available hai.

Wahin Zenfone Max Pro M2 ke three models available hain aur ye bhi Flipkart exclusive hain.

  • 3GB+32GB model – 12,999 INR
  • 4GB+64GB model – 14,999 INR
  • 6GB+64GB model – 16,999 INR

Filhaal 9th February tak Max Pro M2 ke in sabhi variants par ASUS OMG Days Sale ke dauraan 1,000 INR ka off bhi hai.

Ab in dono handsets mein se, aapko kaun sa pasand aaya, humein comments section mein zaroor bataaiye.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: