Oppo K1 Launched In India: AMOLED Display, Waterdrop Notch, In-Display Fingerprint Sensor & More

Oppo ke jis mid-range smartphone ke baare mein hum aapko kaafi samay se bataate aa rahe hain, wo finally aaj India mein launch ho gaya hai. Oppo ne aaj apna latest lower mid-range smartphone Oppo K1, India mein launch kiya. Jaise ki pehle hum aapko bata hi chuke hain, ki ye ek Flipkart exclusive smartphone hai aur 12th February, dopahar 12 baje se ye, purchase ke liye available bhi hoga.

Aaiye ab badhte hain, specs ki taraf. Oppo K1 ko power den eke liye yahaan company ne Snapdragon 660 chipset diya hai, jiski performance aap pehle aaye kayi smartphones mein dekh hi chuke hain. Iske alawa ismein 4GB ki RAM aur 64GB ki internal memory hai, jise aap microSD card slot ke saath 256GB tak expand kar sakte hain.

Oppo K1 mein 16+2 MP ka dual rear camera setup hai, jo ki LED flash light ke saath aayega. Saath hi ismein front par 25 MP ka selfie camera. Ye dual SIM based smartphone Android 8.1 Oreo ke saath ColorOS 5.2 software ke saath launch kiya gaya hai.

Is smartphone ki jo key features ya highlights hain, wo hai, waterdrop notch ke saath ismein di gayi 6.4 inch ki full HD+ AMOLED 19.5:9 display aur in-display fingerprint scanner. 17K ki price mein yahaan aapko in-display fingerprint sensor diya gaya hai. Connectivity options mein aapko dual 4G VoLTE, Wi-Fi 802.11 ac, Bluetooth 5.0, GPS, GLONASS, Micro USB port, 3.5mm audio jack  milte hain.

Ab aati hai, pricing details ki baari. Oppo K1 mein sirf ek hi storage options hai, 4GB+64GB, jiski price 16,990 INR hai. Ye smartphone Astral Blue aur  Piano Black color ke saath aayega, jise aap 12th February 2019 se purchase kar sakenge.  Launch day, yaani ki aaj is handset ko  purchase karne par Citi Bank credit aur debit card holders ko instant 10% ka cashback offer milega. Flipkart ki taraf se complete mobile protection offer bhi hai.

Halaanki 25 MP ka selfie camera, AMOLED display aur in-display fingerprint sensors ke saath ye handset kaafi achha hai. Lekin wahin Snapdragon 660 chipset, 16+2 MP rear cameras jaise features thode kam hain. India mein aapko isse kam price par Snapdragon 660 chipset ke saath kayi smartphones mil sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: