In-display Fingerprint Sensor Ke Saath Aayega Oppo K1, 10th October Ko China Mein Hoga Launch

Next month kafi saare smartphones launch hone wale hai unhi mein ek naam aur add hone jaa raha hai wo hai Oppo K1. Ye phone 10th October ko China me launch hoga, jise invite teasers bhi saamne aa chuke hain. Saath hi ise TENNA certification site se bhi approval mil chuka hai.

Rumors ke according, Oppo ka ye smartphone in-display fingerprint scanner ke sath aayega.

TENNA Listing ke dauraan is phone ki kuch specification bhi saamne aayi hai. Oppo K1 mein 6.4 inch ki AMOLED full HD+ screen milegi. Phone mein Qualcomm Snapdragon 660 ka processor aur Adreno 512 GPU diya gaya hai. Leak images ki according, ye handset gradient colors mein launch ho sakta hai jinmein red, blue aur silver colors shaamil hain. Iss phone ki battery capacity 3500mAh hogi, lekin ismein fast charging support aayega ya nahin, confirm nahin hua hai.

Oppo K1 ka camera iss phone ko khareedne ke liye aapko attract karega kyun ki phone mein front camera 25MP ka diya jaa raha hai jo ki behatreen selfies or video calling ke liye diya gaya hai iske alawa phone ka rear camera 16MP+2MP depth sensor ke sath diya gaya hai.

Oppo K1 ke storage ki baat karein to iss phone mein 4GB RAM ke sath 64GB ROM ka option available hoga wahi 6GB RAM ke sath aapko 128GB ROM milegi. Phone me MicroSD card slot ki koi update nhi di gayi hai . Gradient colors ke rear panel me kisi bhi tarah ka koi finger print scanner ni dikhai de raha hai . Price aur availability ke baare me koi bhi update nhi hai haalanki yah phone abhi sirf China me launch kiya jaaega.  Rumors ki maane to yah ek mid range phone ho sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: