Oppo Jaldi Hi Launch Karne Wali Hai Under Display Camera Wala Smartphone, Jaane Kab Hoga Yeh Phone Launch

Oppo ne aaj ek post ki through bataya hai ki company market mein pehla under display camera smartphone launch karne wali hai. Iss baat ki jaankari company ne twitter handle ke through di hai. Iske alawa iss launch ko le kar company ne ek poster bhi release kiya hai. Poster mein bataya gaya hai ki yeh phone 26th June ko Shanghai mein hone wale MWC 2019 event mein launch kiya jaayega.

 

Oppo ne apne twitter handle par 15 second ke ek video ko bhi post kiya hai, jismein yeh clearly dekha jaa sakta hai ki camera under display kis tarah kaam kar raha hai.

 

Abhi tak iss device ke naam ko unveil nahi kiya gaya hai, naa hi phone ke kisi bhi specs ko disclose kiya gaya hai. Reveal kiye gaye poster mein ek ring light dikhai de rahi hai. Yeh pehla phone hoga jismein camera humein bina kisi notch display ya rotating mechanism ya fir pop up mechanism ke saath dekhne ko milega.

Also Read : Oppo Reno 10X Lossless Zoom Smartphone India Mein Launch Hua 

Camera ki quality ko le kar company ke vice president Brian Shen ne kaha hai ki ” Under display camera ke saath li jaane pictures ki quality utni jyada achi nahi hogi, jitni regular camera ke saath aati hai.” Unhone yeh bhi bataya ki abhi iss level par under display camera ke saath uss image quality ko match kar paana muskil hai jo humein regular camera se milti hai, isliye optical quality mein loss ho sakta hai. Lekin kisi bhi technology ka perfect hona bhi possible nahi hai.

Iss post ke reveal hone ke kuch samay baad hi Xiaomi ke president ne bhi apne upcoming under display camera wale smartphone ka teaser post kiya hai. Iss video ko aap upar dekh sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: