Oppo Find X2 Mein Honge Ye Naye Aur Exciting Features

Last year June mein launch huye Oppo Find X ka design waakyi mein interesting raha aur iska motorized slider mechanism, jismein camera moujood the ek naya feature tha. Is smartphone ke bezel-less design aur performance ko sabne pasand kiya. Lekin ab lag raha hai ki company iske successor par kaam kar rahi hai aur ye bhi 2019 ke quarter mein launch kiya jaa sakta hai.

Darasal, Youtuber MrWhoseTheBoss ne Oppo Find X2 (Find X II) ko lekar ek video upload ki hai, jismein is upcoming flagship smartphone ke kayi new aur interesting features ke baare mein bataaya gaya hai. Maana jaa raha hai ki is baar company slider mechanism nahin, balki front camera ke liye punch-hole selfie camera / in-display front camera ka trend apnaayegi.

Iske alawa is video ke according Oppo Find X2 mein abhi announce hui 10x zoom technology aur nayi in-display fingerprint scanner technology ka istemaal kiya jayega, jismein wider scanning area ke saath two fingers dwara unlock karne ka support hota hai aur saath hi ye faster bhi hai.

MrWhoseThe Boss ki is video mein ye bhi bataaya gaya hai ki Oppo camera features mein is baar variable aperture technology apnaayi jaayegi, jaisa ki aap Samsung ke S9 aur S9 Plus mein dekh chuke hain. Saath hi ye bhi kaha jaa raha hai ki ismein ek night mode feature aur Time of Flight 3D camera bhi diya jayega jise aap 3D scanning aur full body frame adjustment ke liye istemaal kar sakenge.

Wireless charging support ke saath ismein aapko Oppo ka Super VOOC fast charging support bhi milne waala hai.

Ab aap hi bataaiye, ki in sab naye aur powerdul features se bhare is upcoming flagship smartphone Find X2 ko bhala kaun pasand nahin karega. Halaanki is smartphone ki abhi market mein charcha ya leak moujood nahin hai, lekin is video ke according agar ye sabhi features ismein aate hain, to ye ek super successful phone hi hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: