Oppo Find X Ki Tarah, Sliding Camera Ke Saath 31st October Ko Launch Hoga Honor Magic 2

August 2018 mein, Berlin mein IFA ke dauraan Honor ne apne ek handset ki announcement ki thi, jiska intezaar sabko hai. Is smartphone ka naam hai Honor Magic 2 aur iski khaasiyat ye hai ki ise sliding camera mechanism ke saath design kiya gaya hai. Isse pehle is technology ka istemaal aap Oppo Find X mein dekh chuke hain aur isi sliding mechanism ke saath ab Honor Magic 2 kaisa perform karta hai, ye to 31st October ko hi pata chalega.

Jee haan ! Honor Magic 2 ki launch date aaj reveal ho chuki hai, jo ki 31st October hai. Ye handset sabse pehle China mein launch hone jaa raha hai. .

Ummid ki jaa rahi hai ki, slider mechanism par based Honor Magic 2 camera quality ke maamle mein Oppo Find X aur Vivo Nex ko takkar de sakta hai. Jaisa ki aap teaser image mein dekh hi rahe hain, is smartphone mein notch display nahin hai aur amazing bezel-less design nazar aa raha hai.

Phone ki highlights mein iska camera to include hai hi aur sath hi include hai iska processor. Company iss phone mein apna recently launched flagship chipset Hisilicon Kirin 980 dene jaa rahi hai. Honor Magic 2 iss chipset ke sath launch hone wala pehla smartphone hoga. Iss processor ki performance ko benchmark score par Snapdragon 845 se kahi jyada bhadiya btaya jaa raha hai, lekin actual performance to saamne aane par hi pata chalega.

Expect kiya jaa raha hai ki yeh phone 6-inch ki AMOLED display ke sath 1440×2880 pixels resolution mein launch ho sakta hai. Rumors ke according Honor Magic 2, 6GB RAM ke sath launch kiya jaaega, lekin storage options ko le kar iss phone ke baare mein koi information nahi di gayi hai. Sources ki according iss phone mein expandable storage ke liye apko koi option nahi milega.

Iske alawa Honor Magic 2 mein ‘magic charge’ option mil sakta hai jo ki 40W ki fast charging ko support karega aur sath hi yeh phone AI technology par bhi work karega. Company claim karti hai ki iss phone mein 15-protection layer di jaayegi. Images ko dekhte huye ye kaha jaa sakta hai ki yeh phone in-display fingerprint sensor ke sath launch ho sakta hai.

Abhi tak iss phone ke liye jitni bhi images ko dikhaya gaya hai us se yahi lagta hai ki yeh ek flagship device hai aur high end features ke saath hi launch kiya jayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: