Oppo Find X, 6.42-inch FHD+ AMOLED Display Aur Camera Slider Ke Saath India Mein Launch Hua

Oppo ka latest flagship smartphone Find X aaj India mein ek launch event mein showcase kar diya gaya hai. Halaanki ye apne looks ke liye kaafi taareefein bator raha hai lekin iski kimat bhi utni hi high hai. Oppo Find X Bordeaux Red and Glacier Blue colors mein India mein launch kiya gaya hai aur iski kimat hogi 59,990 INR.

Is smartphone ko aap online exclusively Flipkart se kharid sakte hain aur saath hi ye leading offline retail outlets par bhi available hoga. Is smartphone ke pre-orders 25th July se start honge aur 3rd of August se ye sale ke liye available hoga.

Saath hi Oppo Find X Lamborghini Edition bhi India mein jaldi hi launch hoga.

Ab aate hain iske detailed specs ki taraf, jismein sabse khaas hai iska sliding mechanism jo ki top edge se bahaar tabhi aata hai jab aapko iski zaroorat hai. Is sliding mechanism mein front camera, earpiece, IR camera aur other sensors diye gaye hain.

Oppo Find X mein 6.42-inch ki full HD+ AMOLED display hai jo Corning Gorilla Glass 5 protection ke saath aati hai. Is smartphone ko power dene ke liye ismein Octa Core Qualcomm Snapdragon 845 chipset, 2.5 GHz ki clock speed ke saath di gayi hai aur saath hi Adreno 630 GPU bhi hai. Is handset mein 8GB ki RAM aur 256GB ki storage aati hai jo ki expandable nahin hai.

Oppo Find X ka dual rear camera setup 16 + 20 MP ka hai jismein LED flash light, f/2.0 aperture aur OIS jaise features hain. Jabki iska 25 MP ka front camera, f/2.0 aperture ke saath aayega. Ismein 3730mAh ki battery inbuilt hai jo VOOC flash fast charging technology ke saath aati hai. Saath hi ismein dual nano SIM support bhi hai aur iske connectivity features mein 4G VoLTE, WiFi 802.11ac, Bluetooth 5 LE, GPS, aur USB Type C port shaamil hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: