Oppo Find X, 6.42-inch Display, Sliding Cameras Aur 512GB Tak Ki Storage Ke Saath Launch Hua

Oppo ne finally apna latest flagship smartphone Find X, launch kar diya hai. Is smartphone ko Paris mein ek media event mein showcase kiya gaya jo ki Blue aur Red colors mein available hoga. Europe mein Find X 999 Euros ki kimat par August 2018 se available hoga. Saath hi ye smartphone China mein 29th of June ko aur India mein 12th of July ko launch kiya jayega.

Find X mein 6.42-inch ki full HD+ AMOLED display hai jo Corning Gorilla Glass 5 protection ke saath aayegi. Saath hi ismein Octa Core Qualcomm Snapdragon 845 processor hai jiski clock speed 2.5 GHz hai. Is smartphone mein 8GB ki RAM aur 256GB ki storage di gayi hai jo ki expandable nahin hai.

Iske alawa Find X ka ek Limited Lamborghini Edition bhi launch kiya gaya hai jismein 512GB ki storage aayegi aur iski kimat 1699 Euros (approx. 1,35,000 INR) hogi.

 

Iske alawa is smartphone mein 16 MP ka auto focus primary rear camera LED flash light aur f/2.0 aperture ke saath diya gaya hai, saath hi 20 MP ka secondary shooter f/2.2 aperture ke saath moujood hai. Jabki iska front camera 25 MP ka hai jo f/2.0 aperture, AI portraits aur AI scene recognition ke saath aayega. Lekin ye cameras smartphone ke upper bezel par nahin hai, balki bezel-less display design dene ke liye company ne ismein slide mechanism diya hai jo slide hokar upar ki taraf se bahaar aata hai aur usi sliding mechanism par front aur rear cameras aur LED flash lights diye gaye hain.

Find X mein dual nano SIM slots hain, lekin microSD card ismein nahin diya gaya hai. Iske alawa storage mein bhi kewal ek hi option moujood hai. Is smartphone mein 3730mAh ki inbuilt battery hai jo VOOC flash charge fast charging support ke saath aayegi jo aapko 5 minute ki charging par 2 ghante tak ka talktime deti hai.

Iske alawa ye smartphone ColorOS 5.1 software par chalta hai jo Android 8.1 Oreo par based hai. India mein ye smartphone 12th of July ko launch hone jaa raha hai aur yahaan iski kimat kitni hogi ye sawaal thoda interesting hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: